20:16  faict,  sil  n'y  mect  la  main  nous  serions  en  pire  estat  qu'au  paravant,  car  si  ceulx  qui  sont  en  authorite  ne  font  valloir  la  paix,  advancant  l'honneur  de  Dieu  plus  qu'il  nest  la  retenu,  la  religion  seroit  rendue  comme  ung  corps  sans  ame.  Ie  scay,  Madame,  comment  Dieu  vous  a  fortiffie  durant  les  plus  rudes  assaulx,2)  et  combien  par  sa  grace  vous  avez  vertueusement  resiste  a  toutes  tentations,  n'aiant  point  honte  de  porter  lopprobre  de  Iesuschrist,  ce  pendant  que  lorgueil  de  ses  ennemys  seslevoitpardessus  les  nues:  davantage  que  vous  avez  este  comme  une  mere  nourriciere  des  povres  fidelles  dechassez  qui  ne  scavoient  ou  se  retirer.  Ie  scay  bien  que  princesse  ne  regardant  que  le  monde  auroit  honte,  et  prendroit  quasy  a  iniure  quon  appellat  son  chasteau  ung  hostel  Dieu,  mais  ie  ne  vous  scauroie  faire  plus  grant  honneur  que  de  parler  ainsy,  pour  louer  et  recongnoistre  l'humanite  de  laquelle  vous  avez  use  envers  les  enfans  de  Dieu  qui  ont  eu  leur  refuge  a  vous.  lay  pense  souventesfois,  Madame,  que  Dieu  vous  avoit  reserve  telles  espreuves  sur  vostre  viellesse,  pour  se  paier  des  arreraiges  que  vous  luy  debviez  a  cause  de  vostre  timidite  du  temps  passe.  Ie  parle  a  la  facon  commune  des  hommes.  Car  quant  vous  en  eussiez  faict  cent  fois  plus  et  mille,  ce  ne  seroit  pas  pour  vous  acquicter  envers  luy  de  ce  que  vous  luy  debvez  de  iour  en  iour,  pour  les  biens  infinis  qu'il  continue  a  vous  faire.  Mais  ientens  quil  vous  a  faict  ung  honneur  singulier,  vous  emploiant  a  ung  tel  debvoir,  et  vous  faisant  porter  son  enseigne  pour  estre  gloriffie  en  vous,  pour  loger  sa  parole  qui  est  le  tresor  inestimable  de  salut,  et  estre  le  refuge  des  membres  de  son  filz.  Tant  plus  grant  soing  debvez  vous  avoir,  Madame,  de  conserver  pour  l'advenir  vostre  maison  pure  et  entiere  afin  quelle  luy  soit  dediee.  Et  a  ce  propoz,  ie  ne  me  puis  tenir  de  vous  parler  d'un  scandalle,  duquel  j'avois  ouy  quelque  bruict  par  cydevant.  Cest  dun  ieune  homme  que  vous  avez  esleve  et  marie,  lequel  a  reiecte  sa  femme  pour  entretenir  une  paillarde.  Ie  me  suis  enquis  de  Monsieur  de  Biry  comment  il  en  alloit,  scachant  quil  vous  estoit  sy  affectionne  serviteur,  que  vous  2)  N.  3895.  3905.  Hist  eccl  II.  464  :  Montargis  fut  la  retraite  de  plusieurs  povres  fugitifs  avec  leurs  femmes  et  enfans,  de  plusieurs  endroits  comme  de  Paris,  Melun,  Nemours,  Sens,  Bloys,  Tours,  voire  mesme  de  plusieurs  de  la  religion  Romaine  fuyans  le  tumulte  de  la  guerre,  lesquels  ceste  bonne  Duchesse  recevoit  sous  ses  ailes  nonobstant  la  furie  de  son  gendre.  Au  retour  de  Bourges  tout  le  camp  adressa  son  chemin  par  Montargis,  ce  qu'estant  signifie  a  la  dite  Dame  elle  entra  en  un  merveilleux  souci  comment  elle  pourroit  garantir  tant  de  povres  familles  en  un  tel  danger  .  .  .  .  Elles  furent  retirees  au  chasteau  qui  en  fut  rempli  tellement  qu'il  ressembloit  a  un  hospital.