19:16  3549.  BULLINGERUS  CALVINO.  Iudicium  suum  profert  de  rebus  gallicis,  maxime  de  Augustana  confessione  ecclesiis  illis  commendata,  et  hac  occasione  Vergerium  notat.  (Ex  autographo  Arch.  Turic.  Plut  VI.  Vol.  117b,  olim  Scrin.  C.  Epp.  Tom.  II.  fol.  451.  Inscriptio  desideratur.  Simler.  Vol.  102.)  S.  D.  Literasl)  humanitatis  tuae  una  cum  diligenti  consignatione  rerum  gallicarum  accepi  per  optimum  et  doctissimum  virum  D.  Franciscum  Portum,2)  et  ago  tuae  humanitati  maximas  gratias.  Oro  autem  Dominum  ut  is  dirigat  negotium  sane  exspectationis  maximae.  Nihil  sane  a  te  dissentio  qui  toto  coelo  eos  errare  arbitraris  qui  iam  sibi  securitatem  pollicentur  et  veritatem  vicisse  in  Gallia.  Agnosco  sane  veritatem  Christi  nunquam  non  vincere,  sed  historia  omnium  temporum  testatur  quanta  cum  molestia,  quantis  cum  difficultatibus  mendacium  loco  depulsum  sit  sua.  Nec  obscurum  est  quam  potentes  sint  cardinales  et  episcopi  et  quam  his  faveat  eosque  salvos  velit  mundus  et  principes  huius  saeculi.  Consolatur  illud  me  prae  caeteris  in  hisce  curis  et  sollicitudinibus  quod  video  Deum  magni  aliquid  moliri  in  Gallia.  Alioqui  enim  non  perdidisset  admirando  modo  duos  intra  breve  tempus  reges.  Oremus  ergo  Deum  sedulo  ut  quod  coepit  perficiat.  Adiungemus  nos  nostram  diligentiam  operamque,  exspectantes  uberem  eius  benedictionem.  Intelligo  ex  Germania  quosdam  ex  principibus,  et  inprimis  Virtembergensem^)  qui  totus  est  Augustoconfessionisticus,  4)  in  hoc  esse  totos  quo  suam  illam  Augustanam  confessionem  obtrudant  principibus  Galliae.  Imo  non  desunt  ex  Lutheranis  qui  apud  suos  modo  se  iactitent  effecturos  ut  Calvinismus  per  confessionem  Augustanam  eiiciatur  brevi  et  proscribatur  ex  Gallia.  Nunc  mirum  in  modum  laborant  per  Germaniam  ut  Augustanae  confessioni  et  novae  praefationi  Naumburgi  nuper  conditae  subscribant  quasi  de  novo  omnes.  Sperant  enim  se  multitudine  et  concordia  plurimum  effecturos  apud  proceres  Galliae.  Si  nondum  vidisti  praefationem  illam  mitto  eam,  sed  ut  remittas  ete.  Certum  est  multos  subscibere  invite,  nec  probare  eius  omnia:  nihilominus  quum  vident  potiorem  princi-  3549.1)  deperditas.  2)  iam  prof.  I  graec.  Genevae.  (N.  3507.  3523.)  3)  imo  solum,  nam  Palatinus  suos  theologos  aliter  instruxit.  {N.  3538.)  4)  Be  hac  voce  Simlerus  sine  causa  dubitat.