17:16  vam  non  pervenit,  sed  ab  Anglo  quodam  qui  eo  ferre  debebat  in  Germaniam  asportatum  fuit,  ut  quidem  Bullingerus  postea  sibi  persuasit.  Pluribus  mensibus  elapsis,  quum  Calvinus  se  nihil  accepisse  affirmarit,  Bullingerus  iterum  descriptam  nova��  epistolae  d.  8.  Maii  scriptae  inseruit,  quam  habebis  infra��  It*  iam  saepius  descripta  exstat.  Nos  hic  nudum  textum  suo  debito  loco  reponimus.)  Faxit  Christus  ut  hic  annus  sit  nobis  felicissimus  lotus.  Gratulor  vobis  reparatum  soedus  et  amicitiam  veterem  innovatam  cum  vicinis  et  veteribus  amicis.  Recte  ille  monebat,  satius  esse  vicinos  et  veteres  amicos  retinere  quam  his  praeteritis  novos  ex  longinquo  sibi  comparare  velle.  Et  quidem  docuit  hoc  nos  colloquium  quoque  Wormatiense.  Melius  erit  initam  nostram  amicitiam  et  consensionem  sinceram  retinere,  quam  apud  eos  quaerere  novam,  qui  nostram  amicitiam  non  modo  nihili  faciunt,  sed  et  nos  ut  hostes  condemnant.  Scis  colloquium  esse  finitum.  Scis  nos  esse  damnatos*  Principio  quidem  a  furiosis  illis  Saxonibus,  qui  oblata  praesidi  damnatione  ecclesiarum  nostrarum  relictis  symmystis  mox  ab  initio  colloquii  domum  redierunt.  Illi  ipsi  nominatim  Zwinglium  damnarunt,  nominatim  ei  iunxerunt  Osiandrum,  Schuenkfeldium  ete.  Moderatiores,  ut  Philippus,  Brentius,  Iacobus  Andreae,  Pistorius,  Dyllerus  et  caeteri,  obstiterunt  initio  symmvstis  illis  suis  et  iniquum  putarunt  non  auditos  damnare.  Mox  tamen,  quum  viderent  colloquium  haerere  hic  nec  progredi  velle,  21.  Octobris  oblata  ipsi  quoque  protestatione  praesidi  nominatim  condemnarunt  Zwinglium,  et  quidem  solum:  reliquos  nominatim  non  expresserunt,  quia  Osiandro  Brentius  favet,  Philippus  facile  regitur  ab  aliis.  Habemus  ergo  nunc  declarationem  Philippi,  quid  nunc  de  eucharistia  sentiat.  Si  protestationem  illam  nondum  vidisti,  mittemus  illam  ad  te.  Post  oblatam  illam  protestationem  papistae  in  colloquio  pertinacius  quam  antea  progredi  noluerunt.  Habuerunt  enim  quod  voluerunt  et  quaesierunt.  Hactenus  in  tot  comitiis  non  potuit  impetrari  a  principibus  evangelicis  ut  ipsi  nominatim  voluerint  damnare  Zwinglium.  At  iam  hoc  confectum  dederunt  docti  principum,  forte  minus  circumspecti.  Neque  vero  hoc  contenti  fuerunt.  Nam  priusquam  Wormatia  discesserint  conscripto  consensu  profitentur,  se  non  mutare  neque  unquam  mutaturos  esse  quod  semel  professi  sunt  in  confessione  Augustana.  Atque  hoc  est  quod  dixi  saepissime:  si  conveniatur  millies  in  colloquium  cum  istis  hominibus,  regula  et  formula  consensionis  erit  confessio  Augustana,  cui  qui  non  subscripserit  exclusus  manebit.  Hoc  iam  vulgato  scripto  confirmarunt.  Amemus  ergo  nos  mutuum:  profiteamur  et  ipsi  quod  verum  esse  scimus,  relinquentes  illis  quod  omnino  sibi  relinqui  volunt  atque  contendunt  intactum.  Non  deerit  nobis  Dominus.  Vale.  Tiguri  12.  Ianuarii  1558.