15:16  puro  Dei  cultu  asserendo  Christianus  Rex  nomini  suo  responderit,  narrare  nihil  attinet.  Hoc  certe  unum  mihi  videtur  satis  luculentum  esse  specimen,  quod  multi  principes,  quum  videant  foede  corruptum  ecclesiae  statum,  ideo  tamen  nullam  correctionem  attingunt,  quia  in  vetusta  quoque  et  tranquilla  possessione  quod  metuunt  ex  novitate  periculum  eos  ab  officio  retardat  et  impedit.  Pater  autem  tuus,  o  Rex,  inter  ipsa  primordia,  rebus  adhuc  vel  turbulentis  vel  dubiis,4)  totus  in  hanc  curam  non  minus  intrepide  quam  pie  incubuit  ut  pura  apud  Danos  et  a  superstitionum  faece  purgata  religio  vigeret.  Nunc  te  quoque,  Rex  nobilissime,  pari  eius  puritatis  retinendae  ac  tuendae  studio  flagrare  omnes  praedicant.  Atque  utinam  ad  hanc  continuam  divinae  gratiae  seriem  vere  attenti  sint  Dani.  Videmus  ut  se  multis  regionibus  hac  nostra  aetate  Christus  obtulerit:  indigne  exceptus  alio  transtulerit  evangelii  sui  sedem.  Quos  ergo  peculiari  isto  favore  dignatus  est,  ut  spem  futurae  et  firmae  apud  eos  stationis  ostendat,  eo  ardentius  eniti  decet  ut  se  illi  totos  addicant.  Ut  autem  ad  me  veniam:  quum  meos  commentarios,  quibus  ante  biennium  Acta  Apostolorum  interpretari  sum  aggressus,  in  duos  libros  partitus  forem,  ut  prior  Maiestati  patris  tui,  alter  vero  tuae  dicatus  faustis  auspiciis  in  lucem  exiret,  haec  mihi  consilii  ratio  fuit,  quod  consentaneum  fore  putavi,  vos  in  eius  historiae  narratione  coniungere,  quae  prima  ab  ipsis  usque  natalibus  ecclesiae  christianae  exordia,  deinde  progressus  et  incrementa  complectitur,  ut  ipsa  renascentis  ecclesiae,  quam  Dominus  vestro  praesidio  commisit,  similitudo  vos  in  recto  officii  cursu  magis  ac  magis  animaret.  Nam  etsi  haec,  non  dico  quae  pridem  in  patre  cognita  et  celebris  fuit  heroica  plane  fortitudo,  sed  ne  tua  quidem  alacritas  stimulis  indiget,  tamen  in  tam  ardua  operis  mole,  in  hac  communi  ingenii  humani  debilitate,  inter  tot  Satanae  obstacula,  quam  non  supervacua  sit  confirmatio,  experientia  magistra  satis  edoctus  est  ille,  et  tu,  o  Rex,  quotidie  discis,  ut  non  sitis  meis  verbis  monendi.  Hoc  vero  confirmationis  genus  inprimis  utile  esse  ac  idoneum,  sentiet  tua  Maiestas,  in  ecclesiae  originem,  qualis  a  Luca  describitur,  oculos  convertere,  in  qua  et  admirabilis  sub  crucis  ignominia  Dei  virtus,  et  indefessa  sub  ingenti  molestiarum  onere  servorum  Dei  tolerantia  refulget,  et  successus  ipse  mundi  iudicio  incredibilis  uberrimum  utriusque  fructum  profert.  Caeterum,  ut  reliqua  omittam  quae  ex  Lucue  4)  Rege  Frederico!,  a.  1534  mortuo  per  totum  et  quod  excurrit  annum  de  successione  disceptatum  est  inter  ordine��  regni,  aliis  Christianum  captivum,  aliis  Ioannem  filium  FTPderici  iunior  em  praeferendus,  quorum  illi  evangelicam  reformationem,  hi  catholicam  traditionem  defendebant