13:16  1053.  CALVINUS  DUCI  SOMERSETI.  Epistola  nuncupatoria  commentarii  in  Epp.  ad  Timotheum.  (Ex  editione  principe,  Genevae  per  Ioannem  Girardum  1548.)  Illustrissimo  et  vere  christiano  principi  D.  Eduardo  Somerseti  Duci,  Comiti  Hertphordiae  ete.  Angliae  et  Hiberniae  protectori  tutorique  Regio,  *)  Ioannes  Calvinus  S.  Quum  praeclari  isti  sermones,  qui  tum  de  aliis  tuis  virtutibus  plane  heroicis,  tum  vero  de  singulari  tua  pietate  habentur,  Illustrissime  Princeps,  tantum  ubique  tui  amorem  in  bonorum  omnium  animis,  quibus  alioqui  de  facie  ignotus  es,  excitent,  necesse  est  incredibili  te  caritatis  ac  reverentiae  affectu  prosequantur  quicunque  in  regno  Angliae  recte  sapiunt:  quibus  non  modo  palam  cernere  quae  alii  audientes  mirantur  bona  datum  est,  sed  fructum  inde  percipere  quantus  a  praestantissimo  gubernatore  provenire,  quum  ad  totum  populi  corpus  tum  ad  unumquodque  membrum,  solet.  Neque  enim  quae  constanti  fama  celebrantur  tuae  laudes  vanitatis  suspectae  esse  possunt,  quasi  ab  adulatoribus  profectae,  quum  in  rebus  tuis  gestis  illustre  exstet  earum  testimonium.  In  privato  et  mediocris  fortunae  pupillo  difficilis  est  administratio  tutelae.  Tu  vero  non  Regis  modo,  sed  amplissimi  regni  tutelam  tibi  iniunctam  ea  dexteritate  ac  prudentia  sustines,  ut  successum  omnes  mirentur.  Ac  ne  inter  leges  modo  et  in  tranquillo  reipublicae  statu  niteret  tua  virtus,  eam  in  bello  quoque  spectandam  proposuit  Deus,  quod  pari  felicitate  ac  fortitudine  hactenus  auspiciis  tuis  gestum  est.2)  Neque  tamen  interea  tot  tantaeque  difficultates,  quas  reputare  cuivis  promptum  est,  tu  expertus  es,  impedimento  tibi  fuerunt  quominus  instaurandae  religionis  curam  inprimis  susciperes.  *)  Cogitatio  1053.1)  Eduardus  Seymour  frater  reginae  Ioannae,  matris  Eduardi  Yi.  cuius  tutor  fuit  post  mortem  Henrici  VIII.  Titulo  protectoris  ^  ornatus  regnum  administravit  per  aliquod  tempus  velut  avToxQcITioQ,  sed  iam  m.  Octobre  154:9  ab  adversariis,  maxime  a  nobilitate,  sede  pulsus,  tandem  d.  22.  lan.  1552  supplicio  affectus  est,  quemadmodum  ipse  proprium  fratrem  natu  minorem  triennio  ante  capitis  damnaverat'  2)  Tit  in  caeteris  ita  maxime  hic  Noster  incaute  nimia  canit  Militares  eius  successus  tales  fuere  ut  non  parum  ad  eius  deiectionem  fecerint,  et  vastata  potius  fuit  Scotia  quam  debellata.  3)  Revera  Cranmero  archiepiscopo  adiuvante  reformandavi  curavit  ecclesiam,  missam  abolevit,  coenae  administrandae  formulam  immutavit  (c.  Pascha  1548)  cultumque  et  liturgiam  (Prayer-book)  renovavit  Verum  haec  omnia  ita