11:16  quae  fieri  convenienti  ssime  poterant.  Quid  enim  aliud  subsequutum  fuisset  quam  omnium  aedificatio,  si  frater,  admonitus  quam  graviter  peccasset  quamque  omnes  aegre  tulissent,  audiret  omnes  plurimum  in  Domino  gaudere  quod  rediisset  ac  huius  gratia  carissimum  esse,  quod  perditus  quum  esset  a  Domino  sit  inventus,  mortuus  revixerit:  quare  omnes  precibus  ad  Dominum  adiuturi  sint  ipsum,  ac  omnia  acturi  quae  Dominus  dederit  in  gratiam  ipsius.  Tantum  contendat  ita  aedificare  quantum  destruxit,  ut  omnes  merito  adigantur  rationem  ipsius  habere  in  ecclesia  Domini.  Hoc  sane  non  parum  afficit  quod  concessa  et  affirmata  negat  ut  dubia.  Magis  cum  fratribus  expostulare  videtur  quam  reconciliationem  cupere.  Sic  aiunt  qui  acta  viderunt  in  ipsis  haberi,  quod  non  putatur  evenisse  nisi  quod  et  tu  indicasti  alios  ex  iis  qui  non  tantum  Dei  et  aequitatis  imo  et  sui  immemores  fiunt,  dum  affectus  urgent  ipsos.  Non  inexperto  loquor,  vidisti:  nihil  decessit,  si  non  accreverit  maximo  ecclesiarum  malo.  Hoc  enim  pessimum  est,  timorem  Domini  ac  omnem  quo  rapi  in  Christum  debemus  nobis  excuti  affectum,  nec  ecclesiarum  nullam  habere  rationem,  modo  nobis  indulgeamus.  Quam  sunt  ii  vitandi  vastatores  ecclesiarum.  Si  scires,  frater  integerrime,  quibus  artibus  impetantur  optimi  fratres,  ut  purioris  vitae  ita  sanioris  doctrinae,  ab  iis  qui  praeter  nugas  indoctas  nihil  didicerint,  et  quanto  mens  fuit  indoctior  tanto  vita  impurior,  non  possis  non  stupescere.  Triticeus6)  noster  primus  domi  post  uxorem  in  lolium  degeneravit,  et  de  quibus  nihil  minus  speravissemus,  quum  tam  mala  audirent  apud  sectarum  amatores  quibus  infensi  erant.  Videntur  hostium  morem  agere,  non  ut  Christi  milites,  ut  causam  evangelii  toto  pectore  tueantur,  sed  veluti  coniurati  sese  tueantur,  ut  possint  alios  in  ordinem  cogere.  Hic  res  pergit  non  tam  male  ut  olim.  Laborandum  nobis  est  in  fovendis  iis  qui  nobis  pro  fratribus  erant  hostes.  Capunculus  iam  olfacit  quid  olim  tentatum  fuerit  ac  quorsum  rogatus  sit  saepius,  ac  miratur  tales  esse.  Nonnulli  quum  sibi  ac  ecclesiae  perniciem  conciverint  alios  impellentes,  impulsi  rursus  nescio  an  a  pontificiis  aliquid  capiant.  Pergunt  semper  nec  culpam  agnoscunt.  Dominus  ex  alto  succurrat  et  quae  instant  mala  avertat:  nam  indicibilis  apparet  tolerantia  Dei,  quem  flagitamus  omnibus  propitium  miseris  nobis  succurrere,  cor  novum  omnibus  largiri  fugatis  vitiis  veras  indet7)  omnibus  viitutes.  Nicolaus  tui  amantissimus,  miro  discendi  studio  raptus,  idque  ex  te  ac  aliis  qui  istic  agunt,  voluit  istuc  descendere:  cui  non  potui  reluctari  etsi  opera  multorum  hic  valde  necessaria  esset,  imo  currentem  6)  Froment,  cuius  uxor  prius  iam  male  apud  vulgus  audiebat.  7)  sic.