9:159  159  ULTIMA  ADMONITIO  160  esse  synonyma,  corpus  Christi,  et  cibum  vivificum.  Nam  ut  probet  corpus  Christi  sub  pane  inclusum  latere,  elogium  hoc  posterius  adducit,  quia  nisi  corpus  Christi  esset  panis,  neque  cibus  vivificus  esset.  Respondeat  nunc  ergo,  impiosne  vivificet  panis  coenae  :  quia  si  vitam  non  confert,  mox  inferam,  neque  illis  esse  Christi  corpus.  Quod  inter  alia  testimonia  unum  citat  ex  libro  XIX,  de  Civitate  Dei,  capite  vigesimo,  libenter  huius  quoque  mendi  culpam  in  librarium  transferrem,  nisi  se  proderet  scelesta  hominis  vafrities.  Recitat  caput  vigesimum,  libri  vigesimi  primi,  ubi  ex  aliorum  sensu,  non  suo  loquitur  Augustinus.  Caput  vigesimam  quintum,  ubi  obiectioni  respondet  Augustinus,  silentio  praeterit.  In  verbis  quae  protulit,  adeo  nobis  nihil  est  adversum  ut  non  aliunde  spag-  54]  opus  sit  doctrinae  nostrae  petere  certam  et  liquidam  probationem.  Quid  enim  hoc  sibi  vult,  eos  qui  sunt  in  ipso  Christi  corpore  non  solum  sacramento,  sed  re  ipsa  sumere  Christi  corpus,  nisi  quod  palam  ostenditur,  dupliciter  sumi  Christi  corpus,  sacramento  duntaxat,  et  re  ipsa?  Si  tollitur  rei  veritas,  certe  praeter  signum  nihil  residuum  manet.  Unde  etiam  haud  dubie  colligitur,  non  aliter  comedere  impios  Christi  corpus,  quam  signi  respectu:  quia  re  ipsa  privantur.  Sed  quae  vigesimo  quinto  capite  sequitur  explicatio,  longe  magis  dilucida:  ubi  fortiter  negat,  manducare  corpus  Christi,  qui  in  eius  membris  computandi  non  sunt:  quia  non  possunt  simul  esse  et  membra  Christi,  et  membra  meretricis.  Et  continuo  post,  Christus  ipse  dicens:  Qui  manducat  carnem  meam  et  bibit  sanguinem  meum  in  me  manet  et  ego  in  eo,  ostendit  quid  sit  non  sacramento  tenus,  sed  [pag.  55]  re  vera  corpus  Christi  manducare  et  eius  sanguinem  bibere.  Hoc  est  enim  in  Christo  manere,  ut  in  illo  maneat  et  Christus.  Sic  enim  hoc  dixit  tanquam  diceret:  Qui  non  manet  in  me,  et  in  quo  ego  non  maneo,  non  se  dicat  aut  existimet  manducare  corpus  meum  aut  bibere  sanguinem  meum.  Hoc  stimulo  si  non  pungitur  Westphalus,  cunctis  patriae  suae  bobus  stupidior  est.  Citat  ex  primo  libro  contra  literas  Petiliani  sententiam,  ubi  discernere  iubemur  visibile  sacramentum  ab  invisibili  unctione  caritatis.  De  baptismo  illic  Augustinus  disputat.  Si  non  omnes  spiritu  baptisafc  Christus,  qui  aqua  tinguntur,  an  inde  protinus  sequetur,  Iudam  comedisse  Christi  corpus?  Quod  si  de  coena  esset  sermo,  nobis  optime  suffragari  dicerem,  quia  malis  non  nisi  visibile  sacramentum  conceditur.  Quod  certe  Westphalus  secundum  suum  phantasma  ab  invisibili  carne  Christi  differre  [pag.  56]  annuet.  Locus  ex  libro  primo  contra  Cresconium  Grammaticum  (quanquam  ipse  quoque  mendose,  quoad  capitis  numerum,  citatus:  ponitur  enim  XXIII  pro  XXV)  non  alio  tendit,  quam  improbos  usum  donorum  Dei  suo  abusu  corrumpere.  Imo