7:159  159  CONTRE  LA  SECTE  160  ilz  sont  plus  netz  que  les  Anges.  Tout  ce  que  les  Chrestiens  tiennent  de  la  vie  eterneile  et  de  la  resurrection,  ne  leur  est  que  fable.  Car  leur  phantasie  est  que  l'ame  de  l'homme,  qui  est  Dieu,  s'en  retourne  a  soymesme  quand  ce  vient  a  la  mort:  non  pas  a  fin  qu'elle  vive  comme  ame  humaine,  mais  que  Dieu  vive  comme  il  a  faict  des  le  commencement,  ainsi  que  nous  verrons  plus  amplement  cy  apres.  Quant  aux  divers  degrez  d'escholiers,  ilz  tiennent  bien  la  forme  des  Manichiens.  Car  ilz  [page  23]  n'ont  garde  de  se  mettre  aux  champs  facilement,  pour  declairer  a  un  chacun  ce  qu'ilz  ont  sur  l'estomach:  mais  ilz  tiennent  long  temps  suspens  et  pourmenent  par  ambages  ceux  qu'ilz  veulent  amener  a  leur  secte,  sans  leur  reveler  le  mot  du  guet,  iusque  a  ce  qu'ilz  voyent  qu'ilz  les  ont  desia  ensorcelez,  pour  leur  faire  a  croire  ce  qu'ilz  voudront.  Seulement  a  ceux  qui  sont  comme  du  Serment,1)  ilz  descouvrent  leurs  mysteres:  sinon  que  les  principaux  docteurs  se  reservent  tousiours  quelques  poinctz  pour  se  faire  valoir,  et  conserver  leur  dignite.  Il  suffira  d'avoir  touche  pour  ceste  heure  ces  comparaisons.  Car  l'ordre  de  proceder  que  nous  tiendrons,  requerra  d'en  parler  cy  apres  plus  au  long.  CHAPITRE  IV.  Quel  a  este  le  commencement  de  la  secte  des  Libertins:  et  qui  en  sont  les  principaux  capitaines.  Il  est  vray  que  si  ie  voulois  comprendre  en  general,  et  raconter  tous  ceux  qui  se  sont  impose  le  tiltre  de  Libertins,  [page  24]  et  ont  approche  des  phantasies  esgarees  de  ceux,  dont  ie  propose  traicter  en  ce  livre,  ce  ne  seroit  iamais  faict.  Car  ii  y  en  a  eu  diverses  lignes,2)  tant  en  Holande  qu'en  Brabant,  et  autres  contrees  de  la  basse  Allemaigne.  Mais  pource  que  i'escris  seulement  a  ceux  qui  sont  de  la  langue  Francoise,  ie  me  deporteray  de  faire  long  recit  de  ce  qui  est  advenu  aux  autres  pays,  comme  d'une  chose  superflue:  et  me  contenteray  d'advertir  en  brief,  par  quel  moyen  est  parvenue  ceste  poison  iusque  a  nostre  langue:  et  qui  ont  este  les  premiers  suppostz  qui  l'ont  espandue  ca  et  la.  Pour  commencer,  il  y  a  environ  quinze  ans,  ou  plus,  qu'un  nomme  Coppin,  Flameng,  natif  de  l'Isle,3)  commenca  a  remuer  ceste  ordure  au  lieu  de  sa  nativite,  homme  ignorant,  et  n'ayant  autre  1)  iureiurando  adstricti.  2)  sectae.  3)  Insulanus,  c.  a  d.  de  LHU.