6:159  LE  CATECHISME  DE  GENEVE.  160  L  ENFA  VT.  Si  est  bien.  Mais  il  faut  qu'elles  se  rapportent  a  ceste-ci.  LE  MINISTRE  Pourquoy?  L  Ei  FA  V  T.  Pour  ce  qu'en  icelle  est  contenu  tout  ce  de  quoy  Dieu  veut  que  nous  le  requerions.  LE  MINISTRE.  Combien  y  a-il  de  Sacremens  en  l'Eglise  Chrestienne?  L'ENFANT.  Deux.  LE  MINIS1RL.  Qui  sont-ils?  L'ENFANT.  Le  Baptesme,  et  la  saincte  Cene.  LE  MINISTRE.  Quelle  est  la  signification  du  Baptesme?  L'ENFANT.  Elle  a  deux  parties:  car  nostre  Seigneur  nous  y  represente  la  remission  de  noz  pechez:  et  puis  nostre  regeneration  ou  renouvellement  spirituel.  LE  MINISTRE.  Et  la  Cene  que  nous  signifie-elle  ?  L'ENFANT.  Elle  nous  signifie  que  par  la  communication  du  corps  et  du  sang  de  nostre  Seigneur  Iesus  Christ,  noz  ames  sont  nourries  en  P  esperance  de  la  vie  eternelle.  LE  MINISTRE.  Qu'est-ce  que  nous  represente  le  pain  et  le  vin,  qui  nous  sont  donnez  en  la  Cene?  L'ENFANT.  Ils  nous  representent  que  le  corps  et  le  sang  de  Iesus  Christ  ont  telle  vertu  envers  noz  ames,  que  le  pain  et  le  vin  ont  envers  noz  corps.  LE  MINISTRE.  Entens-tu  que  le  corps  de  Iesus  Christ  soit  enclos  au  pain,  et  son  sang  au  vin?  x  L'ENFANT.  Non  pas.  LE  MINISTRE.  Ou  faut-il  donc  que  nous  cerchions  Iesus  Christ,  pour  en  avoir  la  fruition?  L'ENFANT.  Au  ciel,  en  la  gloire  de  Dieu  son  Pere.  LE  MINISTRE.  Quel  est  le  moyen  pour  parvenir  iusques  au  ciel  la  ou  Iesus  Christ  est?  L'ENFANT.  C'est  la  Foy.  LE  MINISTRE.  Il  nous  faut  donc  avoir  vraye  Foy,  avant  que  nous  puissions  bien  user  de  ce  sainct  Sacrement.  L'ENFANT.  Ouy.  LE  MINISTRE.  Et  comment  pouvons  nous  avoir  ceste  Foy?  L'ENFANT.  Nous  l'avons  par  le  sainct  Esprit,  qui  habite  en  noz  cueurs,  et  nous  rend  certains  des  promesses  de  Dieu,  qui  nous  sont  faictes  en  l'Evangile.  LE  MINISTRE  Or  aTlez  en  paix,  et  que  ce  bon  Dieu  augmente  de  plus  en  plus  ses  graces  en  vous,  et  a  nous  tous  ses  enfans.  L'ENFANT.  Ainsi  soit-il,  par  nostre  Seigneur  Iesus  Christ  Amen.  FIN.