51:159  159  EPIST.  PAULI  AD  EPHESIOS  160  gerasse  bos  titulos:  ac  si  diceret,  Nihil  est  tam  sublims  aut  excellens,  quocunque  nomine  censeatur,  quod  non  subiectum  sit  Christi  maiestati.  Vetus  enim  fuit  illa  superstitio,  ac  tam  gentibus  quam  Iudaeis  communis,  multa  de  angelis  comminisci  quae  a  Deo  mentes  et  vero  mediatore  abstraherent.  Quare  hoc  ubique  cavet  Paulus,  ne  imaginarius  ille  angelorum  fulgor  oculos  hominum  perstringat  ��t  ita  Christi  splendorem  obscuret.  Et  tamen  non  potuit  efficere  sua  diligentia  quin  diaboli  astus  in  hac  parte  praevaleret.  Videmus  enim  ut  mundus  in  angelis  perperam  occupatus  a  Christo  discesserit.  Necesse  enim  est  ita  accidere,  ut  inter  fictitias  de  angelis  opiniones  pura  Christi  cognitio  evanescat.  Super  omne  nomen.  Hic  nomen  pro  amplitudine  vel  excellentia  capitur:  sicuti  nominari  pro  fama  et  laudibus  celebrari.  Saeculi  autem  futuri  disertam  facit  mentionem,  ut  significet,  non  temporalem  esse  Christi  excellentiam,  sed  aeternam:  nec  mundo  contineri,  sed  florere  etiam  in  Dei  regno.  Unde  et  Iesaias  illum  nuncupat  patrem  futuri  saeculi  (9,  5).  Summa,  omnes  angelorum  et  hominum  glorias  in  ordinem  cogit,  ut  Christi  gloriae  locum  cedant;  quo  sola  absque  ullis  impedimentis  superemineat.  22.  Ipsum  posuit  caput.  Hoc  est,  ea  conditione  illum  ecclesiae*caput  praefecit,  ut  omnium  dispensationem  habeat.  Significat  autem  non  esse  nudum  honorem,  quod  caput  ecclesiae  constitutus  est:  quia  simul  plena  rerum  omnium  potestas  et  administratio  illi  sit  commissa.  Metaphora  capitis  hic  ad  eminentiam  refertur.  De  nomine  non  libenter  litigo:  fct  J  hodie  idoli  romani  adulatores  sua  improbitate  DOS  ad  id  cogunt.  Nam  quum  Christus  solus  vocatur  caput,  certe  omnes  tam  angeli  quam  homines  in  ordem  membrorum  coguntur:  ut  qui  excellit  maxime  supra  alios,  sit  tamen  unum  ex  membris  sub  communi  capite.  Atqui  nihil  eos  pudet  ecclesiam  clamitare  dbtecpaXov  futuram,  nisi  unum  habeat  praeter  Christum  in  terris  caput.  Hoc  vero  foedissimum  est  sacrilegium,  tam  parum  honoris  Christo  tribuere,  ut  mutila  ecclesia  censeatur  si  solus  ipse  obtineat  honorem  a  patre  sibi  collatum.  Nos  autem  audiamus  apostolum  pronuntiantem  ecclesiam  esse  corpus  illius:  quo  significat  indignos  esse  ecclesiae  communione  qui  illi  se  submittere  recusant.  Nam  unitas  ecclesiae  ab  ipso  uno  pendet.  23.  Complementum  eius.  Hic  vero  summus  honor  est  ecclesiae,  quod  se  filius  Dei  quodammodo  imperfectum  reputat,  nisi  nobis  sit  coniunctus.  Quanta  consolatio,  dum  audimus  tunc  demum  suis  omnibus  partibus  constare  et  integrum  velle  haberi,  dum  nos  secum  habet.  Unde  in  priore  ad  Corinthios,  dum  similitudinem  tractat  humani  corporis,  sub  uno  Christi  nomine  totam  ecclesiam  complectitur.