42:159  159  SERMON  XLVII.  160  dit  que  iusques  a  ce  que  la  main  du  peuple  de  Dieu  sera  froissee  et  rompue,  que  la  fin  du  monde  ne  sera  point,  combien  donc  que  nous  ne  voions  point  un  estat  pompeux  en  l'Eglise,  si  est-ce  qu'il  ne  nous  faut  point  estonner  ni  esbahir  de  cela,  d'autant  que  nous  voions  qu'il  ha  este  ainsi  predit  et  annonce  de  la  bouche  du  fils  de  Dieu:  les  papistes  donc  ne  peuvent  avoir  argument  de  cela  pour  le  tirer  a  leur  avantage.  Voila  quant  a  un  Item.  Or  le  second  est  qu'entre  nous  aussi  il  faut  que  nous  soions  confermes,  quand  nous  n'aurions  point  regard  au  Pape,  ni  a  toute  sa  vermine,  si  est-ce  neantmoins  qu'encores  est  ce  une  griefve  tentation,  quand  nous  voions  l'Eglise  de  Dieu  qui  est  ainsi  dissipee  quant  au  monde,  qu'il  y  ha  tant  de  confusions,  tant  de  scandales,  nous  voions  les  moqueurs  de  Dieu,  qui  blasphement  pleinement  son  nom,  on  void  leur  vie  dissolue,  qui  ne  demandent  sinon  de  mettre  tout  en  confusion,  on  en  verra  mesmes  de  ceux  qui  devoient  annoncer  la  parole  de  Dieu,  et  qui  s'appelent  ministres,  qu'ils  sont  des  canailles  qui  ne  valent  rien,  quand  nous  voions  cela,  ie  vous  prie,  n'y  ha  il  pas  bien  matiere  de  souspirer  et  de  gemir?  mais  cependant  notons  ce  qui  est  ici  dit,  c'est  a  scavoir  qu'il  faut  que  cette  casseure  et  dissipation  de  l'Eglise  soit  iusques  a  ce  que  Iesus  Christ  restaure  tout  a  sa  derniere  venue,  et  quand  nous  pourrons  bien  considerer  cela,  nous  verrons  un  plus  grand  miracle  de  Dieu,  que  s'il  gouvernoit  son  Eglise,  d'une  facon  humaine  et  paisible,  pourquoy?  n'est  ce  pas  un  grand  miracle  que  Iesus  Christ  recueille  son  Eglise  des  membres  qui  soient  dissipes  comme  par  pieces?  Voila  nous  ne  verrons  nulle  figure  d'Eglise,  et  cependant  Dieu  besongnera  en  telle  sorte  que  les  siens  demoureront  unis,  voire,  et  non  pas  seulement  en  apparence,  mais  en  une  telle  vertu,  qu'il  les  amenera  a  cette  perfection  qu'il  nous  ha  promise,  quand  (di-ie)  nostre  Seigneur  use  de  tels  moiens,  pour  rassembler  son  Eglise,  ie  vous  prie  n'avons  nous  pas  dequoy  le  glorifier,  plus  que  si  les  choses  estoient  visibles?  il  est  bien  certain.  Et  ainsi  voila  le  double  profit  que  nous  apporte  cette  doctrine  qui  nous  est  donnee  en  ce  passage  par  l'ange,  de  la  cassure  de  la  main  du  peuple  de  Dieu.  Nous  voions  donc  maintenant  en  somme,  ce  qui  nous  est  monstre  en  toute  cette  doctrine,  quand  les  anges  de  Dieu  s'enquierent  de  l'estat  de  l'Eglise,  que  nous  pouvons  bien  nous  en  enquerir,  voire,  mais  il  faut  que  nous  facions  cela  avec  une  telle  sobriete  et  modestie,  que  nous  ne  presumions  point  de  scavoir  outre  ce  que  Dieu  veut  que  nous  sachions,  et  qu'il  connoist  estre  expedient  pour  nostre  salut.  Et  au  reste  combien  que  l'Eglise  soit  tourmentee,  et  suiette  a  beaucoup  d'afflictions,  ne  laissons  pas  toutesfois  d'invoquer  le