30:159  159  HOMILIA  LVIII.  160  HOMILIA  LVIIL  3.  Et  vocabis  Isai  ad  victimam,  et  ego  ostendam  tibi  quid  facias  :  et  unges  quemcunque  monstravero  tibi.  4.  Fecit  ergo  Samueu  sicut  loquutus  est  ei  Dominus:  venitque  in  Bethlehem,  et  admirati  sunt  seniores  civitatis,  occurrentes  ei,  dixeruntque:  Pacificusne  est  ingressus  tuus?  5.  Et  ait:  Pacificus:  ad  immolandum  Domino  veni:  sanctificamini,  et  venite  mecum  ut  immolent.  Sanctificavit  ergo  Isai  et  filios  eius:  et  vocavit  eos  ad  sacrificium.  6.  Quumque  ingressi  essent,  vidit  Eliab,  et  ait:  Num  coram  Domino  est  Christus  eius?  7.  Et  dixit  Dominus  ad  Samuelem:  Ne  respicias  vultum  eius,  neque  altitudinem  staturae  eius,  quoniam  abieci  eum:  nec  iuxta  intuitum  hominis  ego  iudico:  homo  enim  videt  ea  quae  parent,  Dominus  autem  intuetur  cor.  8.  Et  vocavit  Isai  Abinadab,  et  adduxit  eum  coram  Samuele,  qui  dixit:  Nec  hunc  elegit  Dominus.  9.  Adduxit  autem  Isai  Samma:  de  quo  ait:  Etiam  hunc  non  elegit  Dominus.  10.  Adduxit  itaque  Isai  septem  filios  suos  coram  Samuele,  et  ait  Samuel  ad  Isai:  Non  elegit  Dominus  ex  istis.  l  l  .  Dixitque  Samuel  ad  Isai:  Numquid  iam  completi  sunt  filii?  Qui  respondit,  adhuc  reliquus  est  parvulus,  et  pascit  oves.  Et  ait  Samuel  ad  Isai:  Mitte,  et  adduc  eum:  nec  enim  discumbemus  priusquam  huc  ille  veniat.  12.  Misit  ergo,  et  adduxit  eum  :  erat  autem  rufus  et  pulcher  adspectu,  decoraque  facie.  Et  ait  Dominus:  Surge,  et  unge  eum:  ipse  est  enim.  Hesterna  concione  dicere  coepimus,  Samuelem  missum  a  Domino  ad  Davidem  ungendum  et  inaugurandum,  causatum  esse  metum  Saulis,  a  quo  si  hoc  rescisceret,  mors  ipsi  inferretur.  Ex  quo  apparet  prophetam  aliquid  humani  passum,  et  licet  ad  Dei  obsequium  esset  paratissimus,  non  ita  tamen  humanas  passiones  exuisse  quin  mortem  metueret.  Ac  sane  quum  fideles  Dei  servi  mortem  oppetere  non  dubitarunt  in  sui  muneris  functione,  non  omnino  metu  aliquo  mortuis  caruerunt.  Passi  sunt  illi  sane  :  sed  non  sine  lucta.  Poterat  quidem  Deus,  si  voluisset,  Samuelis  animum  ita  roborare,  ne.  ullo  mortis  metu  tangeretur:  sed  eius  infirmitatem  tolerat,  polliceturque  non  moriturum,  et  fugiendae  mortis  rationem  aperit.  Deus  enim  nos  ut  infantes  regit,  et  quamdiu  infirmi  sumus,  non  permittit  nos  ultra  mensuram  et  vires  tentari.  Sed  vicissim  quum  vitam  a  nobis  poscit,  et  vult  eam  a  nobis  tanquam  gratum  ipsi  sacrificium  offerri,  vires  etiam  et  constantiam  invictam  suppeditat,  ut  quocunque  vocaverit,  imperterriti  sequamur.  Hoc  dicebat  Petro  Dominus  noster  Iesus  Christus  his  verbis:  Amen  dico  tibi,  quum  esses  iunior,  cingebas  te  et  ibas  quo  volebas:  quum  autem  senueris,  extendes  manus  tuas,  et  alius  te  cinget,  et  transferet  quo  noles.  Deus  itaque  novit  quid  in