27:159  159  SERMON  LXXX.  160  est  corrompu  en  un  lieu,  il  faut  que  ie  m'abstienne  de  frequenter,  ni  communiquer  en  la  compagnie  des  idolatres,  que  ie  retranche  toutes  les  mauvaises  affections  qui  sont  en  ma  chair,  et  que  ie  monstre  au  reste  que  ie  ne  veux  point  renoncer  mon  Dieu,  ne  luy  fausser  la  foy  que  ie  luy  ay  promise,  en  me  polluant  aux  idolatries  qui  sont  a  l'entour  de  moy.  Il  faut  donc  qu'un  chacun  reforme  son  coeur  en  premier  lieu:  et  puis  qu'il  se  separe  de  toutes  pollutions,  voire,  d'autant  que  Dieu  nous  a  commis  nos  personnes,  et  que  nous  sommes  comme  gardes  de  ses  temples,  qu'un  chacun  pense  de  pres  a  soy.  Voila  qu'il  nous  faudra  faire  quand  nous  serons  en  pays  d'idolatres.  Et  puis,  qu'un  chacun  aussi  purge  et  nettoye  sa  maison  de  toute  ordure.  Que  si  un  homme  est  la,  qu'il  advise  bien,  qu'ayant  des  enfans,  des  serviteurs,  il  faut  qu'il  tienne  cela  sous  la  crainte  de  Dieu,  et  en  purete  de  religion.  Car  si  un  homme  permet  que  sa  maison  soit  ainsi  polluee,  et  que  tout  y  soit  dissipe:  il  est  certain  qu'il  aura  a  rendre  conte  a  Dieu.  Non  point  qu'un  homme  tienne  ses  serviteurs,  et  sa  femme  en  sa  manche,  pour  les  convertir  a  la  foy  Chrestienne,  quand  il  voudra:  mais  ie  di  qu'il  ne  doit  point  souffrir  nulle  superstition,  ni  idolatrie.  Et  pourquoy?  Car  puis  que  Dieu  luy  a  donne  maistrise  en  sa  maison,  il  faut  aussi  qu'il  face  tellement  que  Dieu  y  soit  honore,  et  qu'il  n'y  ait  point  d'ordures  meslees  parmi  la  pure  religion:  mais  que  tout  soit  purifie.  Or  cependant  les  Rois,  les  Princes,  les  Magistrats  qui  ont  puissance  et  authorite,  doivent  racler  toutes  idolatries,  et  superstitions,  quand  Dieu  les  a  armez  du  glaive  :  il  faut  qu'ils  en  usent  en  cest  endroict,  et  qu'ils  ne  souffrent,  et  qu'ils  ne  permettent  nullement  qu'il  y  ait  quelque  pollution  qui  soit  pour  despitter  Dieu,  qui  soit  pour  abolir  son  service,  ou  pour  l'obscurcir.  Voila  donc  ce  que  nous  avons  a  noter  de  ce  passage  de  Moyse.  Et  ainsi  en  somme  retenons,  qu'il  a  commande  a  chacun  de  nous  de  purger  et  son  corps,  et  son  ame.  Et  pourquoy?  Car  Dieu  nous  a  commis  en  ceste  garde-la,  qu'il  veut  que  nous  soyons  temples  de  son  S.  Esprit:  il  veut  qu'un  chacun  de  nous  preserve  son  corps  en  toute  purete.  Advisons  donc  de  chasser  loin  de  nous  toutes  idolatries,  et  de  n'y  communiquer  en  facon  que  ce  soit:  et  puis  qu'un  chacun  aussi  prenne  garde  sur  sa  maison,  qu'il  n'y  ait  la  nulle  infection  qui  soit  pour  pervertir  le  service  de  Dieu.  Tiercement,  que  ceux  qui  sont  en  estat  public,  tous  Rois,  Princes,  et  Magistrats,  que  ceux-la  advisent,  que  si  nostre  Seigneur  leur  a  donne  authorite  et  puissance,  s'ils  permettent  que  son  service  soit  viole,  ils  auront  a  en  rendre  conte.  Car  il  est  dit:  Quand  tu  seras  venu  en  ceste  terre,  il  faut  que  tu  dechasses  toutes  idolatries,  et  tout  ce  qui  auparavant  aura  servi  a  quelque  supersti-