21:159  159  THEODORI  BEZAE  160  a  Cardinalil)  subornatus,  et  Navarreno2)  malis  artibus  conciliatus,  libellum  quendam,  sive  a  se,  sive  potius  a  Cassandro  quodam  editum,  qui  sese  pium  et  moderatum  virum  nuncupabat,  in  aula  venditabat,  Interimistico  illo  Caesaris  V.  edicto  eo  etiam  deteriorem,  quod  moderatae  cuiusdam  instaurationis  specie  omnes  3)  papatus  corruptelas  tueretur.  Huius  rei  a  me  commonefactus  Calvinus  refutationem  libelli  edidit,  cui  mox  alia  sunt  adiuncta  quae  Balduini  ingenium  et  institutum  quibusvis  patefacerent.  Hoc  vero  concoquere  non  potuit  rabula,  neque  magis  alterum  meum  responsum:  nec  ab  eo  tempore  Calvinum  et  me  meretriciis  conviciis  impetere  destitit,  donec  anno  superiore4)  Deo  hominibusque  alterutrius  religionis,  quos  toties  fefellerat,  invisus  Lutetiae  litem  nescio  quam  persequens,  sive  livore  tabescens,  quod  alium  sibi  praelatum  videret,  qui  Henricum  III.  in  Poloniae  regnum  proficiscentem  comitaretur,  vivere  simul  ac  maledicere  desiit.  Anno  vero  LXII  non  modo  pace,  sed  etiam  libertate  Gallicis  ecclesiis  solenni  regio  edicto  certis  conditionibus  concessa,  mox  autem  Navarreno  pontificiis  artibus  subornato,  quum  Guisius  edita  illa  immani  Vassiacena  strage  classicum  cecinisset  et  bellum  illud  civile  his  auspiciis  coepisset  quo  nunc  totos  XII  annos  misera  Gallia  deflagrat,  quot  quantaeque  curae  Calvinum  confecerint  dici  non  potest:  sic  etiam  ingravescentibus  eius  morbis  ut  iam  tum  illum  divinare  liceret  ad  meliorem  vitam  citato  gradu  progredi.  Nec  tamen  consolari  et  hortari  unumquemque,  imo  ne  concionari  quidem  et  theologiam  in  schola  profiteri  destitit:  emisitque  eo  anno  pulcherrimam  Fidei  Confessionem  ad  status  Imperii  Francofurti  tunc  congregatos  nomine  Principis  Condensis  et  piorum  omnium,  quos  praeter  belli  ipsis  iniustissime  illati  iniuriam  indignissime  etiam  apud  Germanos  tunc  falsorum  dogmatum  nomine  traductos  auditum  esset.5)  Neque  hic  pigebit  quiddam  animadversione  non  indignum  commemorare.  Iacebat  ex  podagra  Calvinus  in  lecto  XIX.  Dec,  qui  dies  erat  Sabbati  et  Boreas  iam  totum  biduum  flabat  quam  vehementissime.  Tum  Calvinus  multis  audientibus:  Equidem,  inquit,  nescio  quid  hoc  rei  sit,  videbar  mihi  hac  nocte  audire  tympana  bellica  quam  fortissime  personantia,  nec  poteram  mihi  persuadere,  quin  ita  se  res  haberet.  Precemur,  obsecro,  nam  omnino  magni  aliquid  ge-  1)  add.  Lotharingo.  2)  add.  paulatim  iam  tum  a  recta  via  ver  certos  homines  abducto.  3)  add.  paene.  4)  anno  superiore  om,  rece  5)  quasi  falsorum  dogmatum  autores  audierat  insimulari  (rece).