9:158  troversia  est,  quam  sicubi  videtur  asserere  Augustinus,  suus  ipse  sit  interpres,  et  facile  patebit  metonymice  loquutum  esse.  Certe  iudici  aequo  et  ingenuo  dubitationem  eximet  locus  unus,  1)  ubi  diserte  pronunciat  bonos  et  malos  signaculis  communicare.  Nam  si  rem  ipsam  perciperent  indigni,  non  tacuisset  omnino  quod  causae  melius  quadrabat.  Yerum  alibi  2)  longe  clarius:  Nolite  parare  fauces,  sed  cor:  inde  commendata  est  ista  coena.  Ecce  credimus  in  Christum  quum  fido  accipimus:  in  accipiendo  novimus  quid  cogitemus  :  modicum  accipimus  et  in  corde  saginamur.  3)  Non  ergo  quod  videtur,  sed  quod  creditur  pascit.  Secundum  [pag.  51]  Westphalum  recipit  etiam  infidelitas,  neque  pascitur.  Augustinus  autem  recipi  non  docet,  nisi  fide.  Haec  ratio  est  cur  plurimis  locis  quasi  se  ipsum  explicans,  sacramenta  dicat  tam  bonis  quam  malis  esse  communia.  Neque  enim  eum  latebat  multos  indigne  ad  sacram  mensam  irrumpere,  qui  membra  non  sunt  corporis  Christi:  neque  tam  perverso  erat  ingemo,  ut  participes  esse  fingeret  corporis  Christi,  qui  nullo  modo  ad  corpus  eius  pertinent.  Ad  effectum  hoc  Westphalus  restringit,  sed  quam  frivolo  cavillo,  palam  faciunt  alii  loci.  Distinguit  alibi  4)  Augustinus  inter  sacramentum  et  eius  virtutem.  Si  trimembris  esset  distinctio,  Westphalo  pleno  ore  canere  suos  paeanas  liceret.  Sic  enim  sonat  eius  commentum,  esse  in  sacra  coena  elementum  visibile,  esse  corpus  Christi  sine  fructu,  esse  corpus  cum  usu  suo  et  fine  coniunctum.  Sed  quum  inter  duo  tantum  membra  se  contineat  Augustinus,  [pag.  52]  non  alio  patrocinio  indiget  nostra  doctrina.  Mortui  non  sunt,  inquit,  patres  qui  visibilem  cibum  spiritualiter  intellexerunt,  spiritualiter  esurierunt,  spiritualiter  gustarunt,  ut  spiritualiter  satiarentur.  Yidemus  ut  externo  signo  fidei  intelligentiam  opponens,  nihil  sumi  ab  infidelibus  tradat  praeter  nudum  signum.  Si  de  manna  sermonem  haberi  excipiat  Westphalus,  hoc  cavillum  facile  ipso  contextu  diluitur,  quia  mox  subiungit,  sacramenta  illa  in  signis  diversa  fuisse,  in  re  quae  significatur  paria.  Ac  continuo  post  rursus  iterans  quod  de  virtute  sacramenti,  et  visibili  sacramento  dixerat,  fideles  solos  non  mori  docet,  qui  comedunt  intus,  non  foris,  qui  comedunt  corde,  non  qui  premunt  dente.  Si  incredulis  praeter  visibile  sacramentum  nihil  relinquitur,  ubi  occultum  illud  et  coeleste  Westphali  corpus?  Recte  ergo  colligitur,  ubi  incredulos  dicit  5)  Christi  corpus  accipere,  non  aliter  quam  explicat  ipse,  [pag.  53]  debere  intelligi,  nempe  tantum  in  sacramento.  Quod  ne  cui  dubium  sit  sciendum  est,  teste  quoque  Westphalo,  haec  duo  1)  Contra  Faustum,  lib.  13,  cap.  16.  2)  De  verbis  Apostoli  sermone  33.  3)  nous  sommes  repeus  et  eugraissez  au  coeur.  4)  In  Ioann.  Tract.  26.  5)  Tract.  in  Ioann.  27.