8:158  en  la  congregation  de  la  cause  de  la  perdition  des  damnez.  Sur  le  15.  ie  respondz  Que  en  une  congregation  ie  parlay  exhortant  leglise  tant  ministres  que  assistans  a  se  tenir  tousiours  fermes  alla  simplicite  de  la  parolle  de  Dieu  et  napportay  en  la  dicte  congregation  aulcime  chose  scandaleuse  mais  toutes  propositions  de  lescripture  saincte:  et  que  ung  iour  estant  venu  en  ceste  ville  ie  fuz  appelle  en  la  maison  de  M.  Calvin  ou  estoyent  assemblez  tous  les  ministres  de  ceste  classe  ou  feiz  une  querimonie  a  M.  Calvin  et  ses  compagnons  quilz  me  faisoient  tort  de  mesdire  de  moy  et  me  vituperer  comme  ilz  faisoyent  et  quant  me  seroit  monstre  par  la  parolle  de  Dieu  que  ie  fusse  en  erreur  iestoys  prest  de  revoquer  mon  opinion.  Dont  ledict  M.  Calvin  sei  st  son  effort  de  me  prouver  et  par  textes  et  par  raisons  que  iestoys  en  erreur:  mais  tant  il  sen  fault  quil  men  ayt  convainqu  que  iestime  avoir  satisfaict  a  tout  ce  quil  me  proposa  excepte  une  authorite  alla  quelle  ie  repondiz  que  ie  penseroys  mieulx  et  que  depuis  ne  mont  voulu  ouyr  encor  que  plusieurs  en  ayent  parle:  car  ils  me  tenoyent  pour  convainquu  et  heretique.  Sur  le  16.  ie  respondz  Que  les  aultres  propoz  que  ie  tins  la  premiere  foys  que  ie  parlay  contredisant  a  M.  Calvin  estoit  quasi  de  la  mesme  matiere  vray  est  que  nen  fut  parle  si  avant  car  laultre  foys  seulement  fut  parle  des  sentences  et  propositions  de  Dieu  universelles  lesquelles  ie  desiroys  que  fussent  tenues  en  leur  universalite:  mais  en  ceste  derniere  foys  le  discord  est  de  la  cause  de  la  perdition  des  damnez  laquelle  il  dict  estre  la  volunte  de  Dieu  ce  que  ie  iuge  estre  faulx.  Plus  oui  tre  naz  este  inquis  mes  a  este  remis  en  ses  respon  ces  et  a  la  formation  de  son  proces.  Ita  est  Hierony.  Bolsec.  Vu.  Arrete  du  Conseil  d'etat.  (Extrait  du  Registre  des  proces-verbaux  du  Conseil.  Voi.  46.  Seance  du  21  Octobre.  Aux  Archives)  Me.  Hierosme  detenuz.  Ayant  veu  ses  responces  et  defences  et  aussi  le  contenu  de  son  proces  et  le  tout  considere:  Arreste  que  lon  le  face  respondre  sur  ce  qui  az  este  baille  par  le  Sr.  Calvin  apres  digne.