51:158  ille,  ad  dexteram  patris  sedens,  summam  in  coelo  et  terra  gubernationem  obtinet,  et  devictis  subactisque  hostibus,  magnificum  triumphum  agit.  Nos  hic  contempti  et  ignobiles  iacemus:  illi  datum  est  nomen  quod  angeli  et  homines  revereantur,  diaboli  etiam  et  impii  reformident.  Nos  hic  donorum  omnium  inopia|  premimur:  ille  omnium  arbiter  ac  dispensator  constitutus  est  a  patre.  His  de  causis  operae  pretium  est,  sensus  nostros  in  Christum  transferre,  ut  in  eo,  quasi  in  speculo,  gloriosos  divinae  gratiae  thesauros  et  immensam  virtutis  magnitudinem  cernamus,  quae  nondum  in  nobis  sunt  conspicua.  Sedere  fecit  in  dextera.  Hic  locus  aperte  ostendit,  si  quis  alius,  quid  significet  Dei  dextera:  non  locum  scilicet  aliquem,  sed  potestatem  quam  pater  Christo  contulit,  ut  eius  nomine  coeli  et  terrae  imperium  administret.  Quare  frustra  de  eo  litigant  quidam,  quod  Stephanus  viderit  eum  stantem  (Act.  7,  55),  quem  Paulus  hic  sedere  scribit.  Neque  enim  hoc  ad  corporis  collocationem  pertinet:  sed  summam  regnandi  autoritatem  exprimit,  qua  praeditus  est  Christus.  Hoc  sonant  Pauli  verba  :  Super  omnem  principatum,  ete.  Nam  totum  hoc  complexum  exegetice  additum  est,  ad  exprimendam  dexterae  significationem.  Dicitur  ergo  Deus  pater  Christum  extulisse  ad  dexteram  suam,  quia  consortem  ipsum  imperii  sui  fecerit,  quia  per  ipsum  omnem  suam  potestatem  exerceat:  similitudine  a  terrenis  principibus  sumpta,  qui  suos  praefectos  assidere  sibi  iubent  honoris  causa.  Quum  autem  dextera  Dei  coelum  et  terram  impleat,  sequitur,  regnum  Christi  ubique  diffusum  esse  atque  etiam  virtutem.  Unde  perperam  faciunt  qui  ex  sessione  ad  dexteram  Dei  conantur  probare,  Christum  nonnisi  in  coelo  esse.  Est  quidem  id  verissimum,  in  coelo  esse  Christi  humanitatem,  non  in  terra:  sed  probatio  illa  non  convenit.  Nam  quod  mox  sequitur  in  c  o  e  l  e  s  t  i  b  u  s  ,  non  eo  tendit  ut  Dei  dexteram  coelo  includat:  sed  ut  sciamus  Christum  eo  altitudinis  evectum  esse,  ut  in  coelesti  Dei  gloria,  in  beata  immortalitate,  inter  angelos  summum  fastigium  obtineat.  21.  Super  omnem  principatum.  Non  dubium  quin  his  nominibus  angelos  designet:  qui  sic  ideo  nuncupantur,  quod  Deus  per  ipsorum  manum  suam  potestatem,  virtutem  et  dominationum  exerceat.  Solet  enim,  quatenus  quod  sibi  proprium  est  creaturis  communicat,  ita  suum  illis  nomen  adscribere.  Qua  ratione  vocantur  DTO.  Porro  quemadmodum  ex  diversitate  nominum  colligimus  diversos  ordines:  ita  subtilius  de  illis  inquirere,  et  numerum  finire,  et  gradus  statuere,  non  modo  stultae  est  curiositatis,  sed  temeritatis  etiam  impiae  ac  periculosae.  Cur  autem  non  simpliciter  nominavit  angelos?  Respondeo,  amplificandae  Christi  gloriae  causa  Paulum  exag-