42:158  nous  voions  cette  proportion  estre  bien  ordonnee  (comme  S.  Paul  en  parle)  mais  ce  n'est  pas  a  dire  cependant  qu'il  n'y  ait  une  dissipation  en  apparence,  et  voila  pourquoy  nostre  Seigneur  Iesus  Christ,  parlant  ici  a  Daniel  de  la  casseure  et  dissipation  de  la  main  du  peuple  de  Dieu,  signifie  que  iusques  en  la  fin  du  monde,  il  y  aura  des  troubles  et  des  persecutions  en  l'Eglise.  Toutesfois  ce  n'est  pas  a  dire  que  nostre  foy  soit  tellement  dissipee  et  corrompue,  que  nous  soions  tellement  alienes  de  Iesus  Christ  qu'un  chacun  se  retire  appart,  que  nous  soions  la  comme  les  membres  d'un  corps  descires  par  pieces,  mais  nous  avons  cette  union  sacree  et  inviolable,  par  laquelle  nostre  Seigneur  Iesus  Christ  nous  ha  receus  tous  en  sa  garde,  et  nous  ha  mis  et  conioints  a  luy  comme  en  un  corps,  mais  cependant  (comme  i'ai  dit)  si  faudra  il  que  nous  soions  comme  un  troupeau  esgare  selon  l'apparence  du  monde:  et  ceci  est  bien  a  noter,  car  auiourd'huy  combien  y  en  ha  il  d'ignorans,  et  d'idiots,  qui  ne  pensent  point  qu'il  y  ait  nulle  Eglise  de  Dieu,  sinon  qu'ils  y  voient  quelque  apparence  visible,  qu'ils  la  voient  comme  une  pollice  bien  ordonnee  en  ce  monde,  voire  comme  s'il  n'estoit  point  dit,  que  nous  la  devons  croire,  encores  qu'elle  ne  se  veist  pas.  Ainsi  donc  si  nous  voions  la  pauvre  Eglise  de  Dieu  estre  comme  dissipee,  connoissons  qu'elle  a  tousiours  este  ainsi  de  tout  temps,  et  mesmes  que  nous  soions  admonestes  par  ce  passage  qu'il  faudra  que  tousiours  il  y  ait  des  troubles  et  des  afflictions  en  l'Eglise,  iusques  en  la  fin  du  monde  quand  nostre  Seigneur  Iesus  viendra  pour  la  restaurer,  et  quand  nous  connoistrons  cela,  il  nous  profitera  a  double  usage,  nous  voions  les  Papistes  qui  se  glorifient  du  nom  de  l'Eglise,  et  cependant  on  voit  leur  impudence  si  sotte  et  si  lourde  que  rien  plus,  car  quand  ils  parlent  de  l'Eglise,  c'est  autant  comme  s'ils  parloient  d'un  corps  sans  chef.  Pourquoy?  il  n'y  ha  chef  en  l'Eglise  sinon  le  fils  de  Dieu.  Or  il  l'ont  reiette  d'avec  eux,  car  ils  ne  donnent  ni  preeminence  ni  vertu  ni  auctorite  a  Iesus  Christ,  plustost  ils  le  foullent  aux  pieds  (en  tant  qu'en  eux  est).  Voila  donc  Iesus  Christ  qui  est  totalement  reiette  et  banni  de  cette  sinagogue  infernale  du  Pape  et  des  siens,  et  toutesfois  a  pleine  bouche  ils  se  glorifieront  estre  l'Eglise,  et  pourquoy?  car  il  leur  semble  bien  que  d'autant  qu'ils  sont  un  grand  nombre  de  leur  coste,  d'autant  qu'ils  ont  beaucoup  de  gens  qui  leur  applaudissent,  et  qu'on  void  de  telles  parades,  qu'ils  pourroient  faire  peur  aux  petits  enfans,  iis  sont  comme  espouvantas  de  chenevieres  (comme  l'on  dit)  ils  font  la  leurs  triomphes,  et  leur  semble  que  pour  leurs  belles  mines  ils  doivent  estre  reputes  l'Eglise.  Or  nous  avons  ici  un  passage  qui  est  totalement  contre  eux,  quand  il  est