29:158  lignee  de  Ben-iamin,  et  qu'il  falloit  que  le  peuple  s'assemblast  en  Sion,  pour  faire  hommage  a  Dieu,  et  que  Ben-iamin  servoit  de  cela,  il  est  dit,  qu'il  estoit  comme  sur  ses  espaules.  Voila  donc  la  raison  pourquoy  JBen-iamin  est  bien-aime  de  Dieu.  Non  pas  qu'il  en  ait  rien  merite,  car  d'ou  est  provenu  cela,  que  Dieu  ait  choisi  la  montagne  de  Sion  pour  son  domicile?  c'a  este  pour  l'amour  gratuite  qu'il  a  porte  a  Ben-iamin.  Ainsi  donc  ne  resvons  point  que  Ben-iamin  ait  prevenu  la  grace  de  Dieu  par  aucune  dignite  :  mais  Moyse  declare  que  ces  choses  sont  coniointes  l'une  a  l'autre,  c'est  assavoir  que  Dieu  declarera  son  amour  et  faveur  envers  la  lignee  de  Ben-iamin,  et  qu'il  eut  un  tesmoignage  et  signe  manifeste  quand  le  temple  fut  la  basti,  et  que  la  lignee  de  Ben-iamin  demeure  encores  sous  la  protection  de  Dieu:  combien  qu'elle  semblast  estre  exposee  en  proye,  et  que  les  ennemis  avoyent  tout  gagne,  qu'encores  Dieu  se  monstrera  pitoyable  pour  la  maintenir.  Il  est  vray  qu'en  la  fin  tout  ce  pays-la  a  este  saccage,  et  nous  voyons  ce  qui  en  est  dit  au  Prophete  Ieremie,  que  Rachel  a  pleure  ses  enfans,  pource  que  d'elle  estoit  venu  Ben-iamin,  et  qu'elle  s'est  lamentee,  voyant  une  telle  desolation,  qui  estoit  faite,  et  qu'elle  n'avoit  peu  estre  consolee,  pource  que  tout  a  este  rase,  et  qu'on  ne  luy  a  peu  annoncer  qu'il  y  eust  quelque  residu:  mais  qu'elle  voyant  que  tout  son  sang  estoit  espandu,  qu'elle  est  en  angoisse  et  comme  desesperee.  Or  il  est  vray  que  Rachel  estoit  morte  en  ce  temps-la  :  mais  le  Prophete  Ieremie  en  parle  par  similitude,  et  met  la  comme  une  mere  sur  un  eschaffaut,  qui  pleure  et  se  lamente,  quand  elle  voit  qu'on  couppe  la  gorge  a  tous  ses  enfans.  Voila  donc  ce  qui  est  advenu  :  mais  c'a  este  l'extremite.  Cependant  Dieu  n'a  point  laisse  d'accomplir  sa  promesse,  et  en  la  fin  encore  au  milieu  de  Babylone,  en  ce  gouffre  il  en  a  reserve  quelque  residu  de  ceux  de  Ben-iamin,  lesquels  sont  retournez  avec  la  lignee  de  Iuda:  ceux  qui  estoyent  beaucoup  plus  exeliens  en  dignite  se  sont  desbordez,  Dieu  les  a  laissez  comme  membres  pourris,  ils  ne  sont  point  retournez  en  l'heritage  de  la  terre  de  Canaan,  et  en  ce  repos  que  Dieu  avoit  destine  a  leurs  peres.  Voila  donc  comme  Dieu  a  tousiours  continue  sa  grace  sur  la  lignee  de  Ben-iamin:  non  pas  qu'il  n'y  eust  eu  d'horribles  punitions,  comme  il  en  est  advenu:  mais  cependant  si  est-ce  que  Dieu  a  surmonte  la  malice  des  hommes  par  sa  bonte  infinie.  En  somme  notons,  quand  Dieu  nous  donne  ainsi  ses  promesses,  qu'il  ne  semblera  point  qu'elles  ayent  leur  effect  et  leur  execution,  a  cause  que  le  monde  est  ingrat,  et  qu'il  y  en  a  beaucoup  qui  repoussent  la  bonte  de  Dieu,  et  luy  ferment  la  porte,  tellement  qu'ils  n'en  sont  point  participans.  Voila  qui  est  cause  que  Dieu  ne  se  monstre  plus  liberal  envers  nous.