21:158  mitteretur  qui  ecclesiam  Gallicam  illic  constitueret,  missus  est  eo  Galasius.  1)  Caeterum  extremo  anno  MDLX  Francisci  II.  Regis  obitu  plane  repentino  et  quidem  eo  ipso  momento  quo  iam  erant  ita  desperata  omnia  ut  eis  Deus  unus  mederi  posset,  vix  inierat  regnum  Carolus  IX.  adhuc  puer,  quum  Genevam  per  caduceatorem  allatae  sunt  eius  nomine  scriptae  literae,  quibus  missos  inde  querebatur,  qui  regnum  Galliae  turbarent,  petebatque  ut  mox  revocarentur,  alioqui  se  iustissimas  ulciscendae  iniuriae  causas  non  praetermissurum.  Vocatus  a  Senatu  Calvinus  suo  collegarumque  nomine  respondit,  se  petentibus  Gallicis  ecclesiis,  spectatae  fidei  et  integrae  vitae  hominibus,  quos  eam  ad  rem  idoneos  fore  sperabant,  autores  hortatoresque  fuisse,  ne  patriae  opem  suorum  in  causa  tam  sancta,  ecclesiae  videlicet  pure  instituendae  flagitanti  deessent,2)  hoc  illos  praestitisse  non  ut  regnum  turbarent,  sed  ut  evangelium  pacis  docerent  :  quod  si  quid  praeterea  fecisse  arguerentur,  sese  paratos  esse  coram  ipso  Rege  accusatoribus  respondere.  Neque  longius  ista  processerunt.  Eodem  anno  Calvinus  et  ego  Tilemanni  Heshusii  importunissimi  hominis  libro  respondimus.  Calvinus  deinde  Valentini  Gentilis  blasphemias  Lugduni  tum  adversus  Athanasii  symbolum  excusas  refutavit.  Edidit  quoque  suas  in  Danielem  praelectiones  Gallicis  ecclesiis  inscriptas,  ac  in  illis  quidem  prophetae  interpretem,  in  ipsa  vero  inscriptione  prophetam  egit3)  imminentes4)  tempestates  praedicens,  quo  tempore  coacto  Possiaci  episcoporum  conventu,  et  Regi  in  amplissimo  regni  consessu  a  me  exhibita  probataque  Galliarum5)  ecclesiarum  confessione,  plerique  sibi  papatus  profligationem  quasi  instantem  pollicebantur.  Tum  quoque  inter  caeteros  Franciscus  Balduinus,  Ecebolius  postea  propter  religionem  ter  minimum  aut  etiam  quater  mutatam  cognominatus,  (nam  6)  et  ante  novissimum  ecclesiarum  Gallicarum  casum  ad  XXIV.  August  MDLXXII  nescio  quo  [C  7]  ut  nobis  aliquando  etiam  tum  adiungeretur  affectu  mirifice  duci  ab  optimis  ac  sanctissimis  viris  testatum,  exhibitis  ad  eam  rem  boni  ipsius  Balduini  ad  synodum  literis  habuimus)  ille  inquam  1)  Nicolaus  Galasius  familiarissimus  a  multis  iam  annis  Calvino  collega,  et  cuius  plurimum  opera  in  excipiendis  dictatis  utebatur.  Sed  Calvino  nihil  antiquius  ecclesiarum  aedificatione  fuit  (sic  rece.)  2)  ne  patriae  in  tam  sancto,  ecclesiae  videlicet  pure  instituendae,  negotio  suorum  opem  postulanti  deessent  (rece.)  3)  visus  est  egisse  (rece.)  4)  add.  longe  gravissimas.  5)  lege:  Gallicarum  cum  rece.  6)  nam  .  .  .  .  inquam  om.  rece.  Locus  corruptus  videtur.