10.1:158  illas  imaginationes  quibus  mundus  detinetur  de  locali  praesentia,  vel  diffusione  corporis  glorificati.  Neque  enim  talem  Christi  praesentiam  in  coena  concipimus,  quae  vel  panis  elemento  ipsum  affigat,  vel  in  panem  includat,  vel  alio  modo  circumscribat  (quae  omnia  coelcsti  eius  gloriae  derogare  palam  est)  nihilo  etiam  magis,  quae  mensuram  illi  suam  auferat,  vel  pluribus  simul  locis  distrahat,  vel  immensam  illi  magnitudinem  affingat,  quae  humanae  naturae  veritati  non  obscure  repugnant.  Has  exceptiones  diligenter  ad  populum  explicari  necesse  est.  Videmus  enim  ut  homines  fere  de  vera  fide  parum  solliciti,  qua  sola  et  in  Christi  societatem  pervenimus,  et  cum  ipso  cohaeremus,  modo  carnalem  Christi  praesentiam  habeant,  quam  ultra  verbum  ex  mera  superstitione  somniant,  satis  illum  praesentem  habere  se  putent.  Videmus  etiam  in  quam  idololatriam  prolapsus  sit  mundus.  AD  QUAEDAM  DOCTRINAE  CAPITA  ALIQUATENUS  INFERMENTATA.  *)  Dilectissimi  fratres,  quia  redditae  nobis  fuerunt  literae  vestrae  quarto  mense  postquam  datae  fuerant,  mirum  vobis  videri  non  debet,  quod  tardius  exspectatione  vestra  ad  illas  responsum  a  nobis  acceperitis.  Ut  ad  rem  veniamus,  valde  nobis  dolet  quod  ita  sursum  et  deorsum  agitari  vobis  contingit:  et  ubicunque  pedem  tuleritis,  Satan  comminiscatur  aliquid,  quo  vobis  novas  molestias  inferat.  Atqui  non  alia  fuit  patrum  conditio,  ut  de  se  testatur  Paulus,  quod  et  ipse  et  reliqui  pii  incertis  sedibus  vagarentur  (1.  Cor.  4,  l  l  )  .  Etsi  igitur  solum  saepe  vobis  vertendum  sit,  et  mutari  subinde  quod  ad  corpus  contingat,  discenda  est  nihilominus  vera  animi  statio  et  spiritus  constantia.  Atque  illa  doctrina  in  usum  deducenda  est,  quae  filiis  Dei  peregrinandum  esse  in  mundo  tradit:  quae  etiam  omnibus  piis  communis  est,  quamvis  illius  experientiam  unis  prae  aliis  Dominus  constare  velit,  dum  illos  huc  et  illuc  circumducit.  Vobis  interea  ipsi  et  condolemus,  et  ex  animo  vestrae  quieti,  si  qua  nobis  ratio  ad  manum  esset,  consultum  vellemus.  Et  tamen  haec  nostra  Gvpna&ua  erga  vestras  miserias  efficere  non  potest,  ut  vos  liberemus  ab  officio:  atque  ut  hoc  nobis  accideret,  nihil  aliud  esset,  quam  vobis  imponere  vanis  blanditiis,  neque  hoc  vobis  ipsis  utile  foret.  Imo  et  ipsi  scitis  eo  magis  augeri  nostram  coram  Deo  condemnationem,  quum  ab  hominibus  absolvi  studemus.  Non  aliud  igitur  superest,  quam  ut  pure  et  simpliciter  aperiamus  vobis,  1)  Legitur  in  .  594  et  Amsterd.  p*  1pp.  et  Resp  ed.  1576,  p  426,  Chouet  p.  67,  non  vero  in  reliquis  ead.  1)  Epp.  et  Besp,  ed.  Genev.  p.  338,  Laus.  p.  644,  Hanov.  p.  724,  Chouet  p.  464,  Amst.  p.  212.  Beza  ex  gallico  versum  testatur.