1:158  [CO  1.  158]  dum  quod  merita  ligati  aut  soluti  postulabant.  Porro, [p. 321]  has  claves  omnibus  sacerdotibus  a  Christo  datas  esse,  quae  illis  ab  episcopis  in  promotione  conferuntur;  sed  liberum  usum  penes  eos  duntaxat  esse,  qui  ecclesiasticis  muneribus  funguntur.  Apud  excommunicatos  et  suspensos,  manere  quidem  ipsas  claves,  sed  rubiginosas  ac  ligatas.  Et  qui  haec  dicunt,  modesti  et  sobrii  iure  vocari  possint,  prae  aliis  qui  sub  nova  incude  novas  claves  fabricati  sunt,  quibus  thesaurum  ecclesiae  obserari  tradunt.  Thesaurum  ecclesiae,  merita  Christi,  sanctorum  apostolorum  Petri,  Pauli,  martyrum  et  caetera,  nuncupant.  Huius  horrei  radicalem  custodiam  romano  episcopo  traditam  fingunt,  penes  quem  sit  radicalis  tantorum  bonorum  dispensatio,  ut  et  ipse  per  se  elargiri  possit  et  aliis  elargiendi  iurisdictionem  delegare.  Hinc  nunc  plenariae  indulgentiae  a  papa,  nunc  certorum  annorum;  a  cardinalibus  centum  dierum,  ab  episcopis  quadraginta.  Ad  singula  paucis  respondebo.  Taceo  autem  ad  praesens,  quo  iure,  quave  iniuria,  suis  legibus  fidelium  animas  obstringant,  quando  id  suo  loco  dispicietur.  Quod  autem  legem  im-  [OS  182]  ponunt  de  omnium  peccatorum  enumeratione,  quod  peccatum  dimitti  negant,  nisi  sub  conditione  si  votum  confitendi  firmiter  conceptum  fuerit,  quod  nullum [p. 322]  superesse  ingressum  paradisi  garriunt,  si  facultas  confitendi  neglecta  fuerit;  istud  vero  nullo  modo  ferendum  est.  Omniane  peccata  enumeranda  sunt?  At  David,  qui  secum  probe,  ut  arbitror,  meditatus  erat  peccatorum  confessionem,  tamen  exclamabat  (Psal.  19.  38):  errores  quis  intelliget?  Ab  occultis  meis  munda  me  Domine.  Et  alibi  :  iniquitates  meae  transierunt  supra  caput  meum,  et  sicut  onus  grave,  aggravatae  sunt  ultra  vires  meas.  Nimirum  intelligebat,  quanta  esset  peccatorum  nostrorum  abyssus,  quam  multae  scelerum  facies,  quot  capita  ferret  et  quam  longam  caudam  traheret  haec  hydra.  Non  ergo  ad  recensendum  catalogum  se  conferebat,  sed  e  profundo  malorum  clamabat  ad  Dominum:  obrutus  sum,  sepultus  sum,  suffocatus  sum,  inferorum  portae  circumdederunt  me;  immersum  alto  puteo,  deficientem,  et  moribundum,  manus  tua  extrahat.  Quis  suorum  peccatorum  nunc  supputationem  cogitet,  ubi  Davidem  videt  suorum  numerum  inire  non  posse?  Hac  carnificina  plusquam  crudeliter  divexatae  sunt  eorum  conscientiae,  qui  aliquo  Dei  sensu  afficiebantur.  Principio  sese  vocabant  ad  calculum,  peccata  in  brachia,  in  ramos,  in  ramusculos,  in  frondes,  iuxta  istorum  formulas,  dissecabant.  Tum  appendebant  qualitates, [p. 323]  quantitates,  circumstantias;  atque  aliquantulum  quidem  res  procedebat.  Ubi  vero  longius  progressi  fuerant,  coelum  undique  et  undique  pontus:  nullus  portus,  nulla  statio.  Quo  plura  transiverant,  maior  semper  congeries  oculis  ingerebatur,  imo  vero,  velut  altae  moles  assurgebant,