9:157  157  AD  WESTPHALUM.  158  quidquam  ab  eo  fuisse  omissum  vix  est  credibile.  Una  autem  locorum  omnium  summa  est,  in  coena  dari  Christi  corpus.  Atqui,  si  de  voce  contenditur,  contra  excipio,  saepius  vocari  corporis  sacramentum.  Unde  sequitur  nihil  prorsus  a  Westphalo  probari.  Nam  quod  obiicit,  non  minus  corpus  vocari  quibusdam  locis,  quam  sacramentum  corporis,  quam  insipide  ratiocinetur  pueri  iudicent.  Interea  meminerint  lectores,  nihil  in  his  verbis  a  doctrina  nostra  esse  dissentaneum,  corpus  Christi  vere  nobis  in  sacra  coena  exhiberi,  quia  non  nisi  de  modi  definitione  certamen  est.  Quo  satis  superque  iterum  refellitur  putida  Westphali  garrulitas,  dum  [pag.  4  8]  ex  falsis  antithetis  nobis  invidiam  conflat,  quasi  sacram  coenam  dicamus  sua  veritate  esse  vacuam.  Magno  in  pretio  et  honore  habitam  fuisse  dicit  coenam  Domini,  magnaque  reverentia  tractatam:  atque  hinc  factum  esse  ut  ieiuni  accederent,  alii  quotidie,  alii  rarius:  magna  sollicitudine  fuisse  observatum,  ne  in  terram  caderet  corpus  Domini.  Quasi  vero  nobis  nulla  religio  bit  sacramentum  hoc  prostituere:  quasi  non  studeamus  ornare  quam  maximo  possumus  splendore:  quasi  eius  celebrationem  non  praecedant  seriae  ac  sollicitae  exhortationes,  quibus  in  coelum  piorum  mentes  rapiuntur:  quasi  proposito  sacrilegii  horrore  non  arceantur,  qui  temere  accedunt:  quasi  denique  non  palam  testemur  reos  fieri  corporis  et  sanguinis  Domini,  quorum  hic  vera  nobis  proponitur  communicatio.  Certe  non  Westphali  haec  verba  sunt,  sed  quae  ego  ex  Chrysostomo  libenter  mutuatus  sum,  Christum  sacram  hanc  mensam  [pag.  49]  sternendo,  non  aliunde  nos  pascere,  sed  se  ipsum  dare  in  cibum.  Unde  satis  liquere  existimo,  si  recte  definiatur  communicationis  modus  nobis  optime  cum  sanctis  patribus  convenire  :  dum  autem  ad  crassum  Westphali  delirium  aptantur  eorum  verba,  quasi  ad  lanienam  trahi.  Verum  in  altero  capite  plausibilem  sibi  causam  esse  putat  Westphalus:  quia  bonis  perinde  ac  malis  dari  Christi  corpus  apud  Augustinum  legitur.  Hinc  colligit,  non  discernere  sanctum  illum  doctorem  inter  utrosque,  quoad  rem  ipsam,  sed  differentiam  tantum  ponere  in  fine,  vel  usu,  vel  effectu.  Hoc  quam  verum  sit,  quia  homini  ad  quidvis  sine  pudore  fingendum  audacissimo  credere  tutum  non  est,  ex  ipsis  Augustini  verbis  iudicent  lectores.  Ac  dari  quidem  indifferenter  tam  bonis  quam  malis  Christi  corpus  clare  ubique  doceo:  quia  ab  hominis  dignitate  non  pendet  Christi  vel  liberalitas,  vel  fides:  1)  sed  [pag.  50]  in  ipso  fundata  est.  Qualiscunque  ergo  sit  qui  accedit,  quia  sui  perpetuo  similis  manet  Christus,  vere  ad  corporis  et  sanguinis  sui  participationem  invitat,  vere  implet  quod  figurat,  vere  exhibet  quod  promittit.  Tantum  de  receptione  con-  1)  ou  la  verite.