8:157  157  PROCES  DE  BOLSEC.  158  Sur  le  3.  ie  responds  Que  iay  loue  ce  qui  estoit  bien  dict  mais  ce  qui  estoit  mal  non,  assavoir  ce  que  premierement  ie  dictz  estre  faulx.  Sur  le  quatriesme  ie  respondz  Que  apres  quelques  parolles  ayant  loue  ce  qui  estoit  dit  de  vray  iay  dict  quil  y  avoit  aulcunes  sentences  qui  meritoyent  plus  ample  explanation.  Sur  le  5.  ie  respondz  Que  i'ay  dict  de  diverses  opinions  erronees  lesquelles  iay  reprouvees  par  la  parolle  de  dieu  et  aultres  par  raisons  comme  celle  des  manicheens.  Sur  le  6.  ie  respondz  Que  i'ay  dict  que  en  ces  iours  presentz  y  avoit  une  opinion  contraire  aux  manicheens  en  quelque  chose  et  que  ceulx  qui  Pestabli&soyent  faisoient  troys  maulx  le  premier  quilz  corrompoient  le  texte  de  la  parolle  de  dieu:  secondement  quilz  exposoient  mal  lescripture  saincte:  tiercement  quilz  attribuoient  aux  docteurs  et  peres  enciens  ce  quilz  navoyent  dict.  Sur  le  7.  ie  rebpondz  Que  en  escriptz  et  en  parolles  des  ministres  de  ceste  ville,  ie  ay  ouy  et  leu  le  mesme  erreur  ou  opinion  laquelle  ie  reprouve  et  encor  en  escriptz  d'aultres  modernes  ie  lay  veue.  Sur  le  8.  responds  Que  iay  ouy  en  sermons  et  congregations  des  choses  sainctes  et  conformes  alla  parolle  de  Dieu:  mais  que  la  sentence  ou  opinion  laquelle  ie  oppugne  et  refuse  nest  selon  la  parolle  de  Dieu  ains  contraire.  Sur  le  9.  ie  respondz  Que  iay  peu  leu  en  leur  escriptz  et  ce  qui  y  est  conforme  alla  parolle  de  Dieu  ie  l'adore  et  revere  comme  verite  :  cecy  que  diz  estre  faulx  ie  ne  le  puis  recepvoir.  Sur  le  10.  ie  respond  Que  lopinion  de  la  cause  de  la  reprobation  et  perdition  des  damnez  assavoir  la  volunte  de  Dieu  nest  pas  vraye  et  emporte  avec  soy  des  absurditez  qui  sont  fort  a  craindre  et  engendrent  scandale.  Sur  l  l  .  ie  respondz  Que  entre  les  aultres  ce&t  Zinglius  au  livre  de  la  providence  et  encor  ha  este  plus  absurde  que  M.  Calvin  neantmoins  mondit  sieur  Calvin  nest  en  guieres  different  quant  la  chose  sera  bien  entendue.  Sur  le  12.  ie  respondz  Que  ie  ne  les  ay  pas  tous  veu  et  quil  y  en  pourroit  avoir  desquelz  quant  iauroys  le  temps  ien  pourroys  mieulx  respondre.  Sur  le  13.  ie  respondz  Que  ouy.  Sur  le  14.  ie  respondz  Que  ie  n'ouys  iamais  prescher  a  M.  Calvin  sinon  choses  sainctes  et  bonnes  :  excepte  ce  quil  dict