56:157  157  LEVITIQUE.  158  26.  Le  Sacrificateur  mangera  l'oblation  pour  le  peche,  elle  se  mangera  au  lieu  sainct,  au  parvis  du  tabernacle  de  convenance.  27.  Quiconque  la  touchera  sera  sainct,  que  si  le  vestement  est  arrouse  du  sang,  ce  qui  en  sera  arrouse  sera  lave  au  lieu  sainct.  28.  Le  vaisseau  de  terre  auquel  elle  aura  cuit,  sera  casse:  mais  si  elle  est  cuitte  en  vaisseau  d'airain,  il  sera  escure  et  lave  en  eau.  29.  Tout  masle  d'entre  les  Sacrificateurs  en  mangera:  c'est  chose  tressaincte.  30.  Toute  oblation  pour  le  peche,  de  laquelle  le  sang  se  porte  dedans  le  tabernacle  de  convenance,  pour  faire  reconciliation  au  Sanctuaire  ne  sera  point  mangee,  mais  elle  sera  bruslee  au  feu.  Chapitre  VII.  1.  S'ensuit  la  loy  de  l'oblation  pour  le  delict:  c'est  chose  tressaincte.  2.  Au  lieu  ou  en  tue  l'holocauste,  on  tuera  l'oblation  pour  le  delict,  et  le  sang  d'icelle  sera  espandu  sur  l'autel.  3.  Et  en  offrir  aa  la  graisse  d'icelle,  avec  sa  queue,  et  sa  graisse  qui  couvre  les  entrailles.  4.  Et  le  Sacrificateur  ostera  les  deux  rongnons,  avec  la  graisse  qui  est  sur  iceux  aux  fians,  et  la  taye  qui  est  sur  le  foye.  5.  Puis  il  le  fera  fumer  sur  l'autel  en  oblation  faite  par  feu  a  l'Eternel:  c'est  sacrifice  pour  le  delict.  6.  Tout  masle  d'entre  les  Sacrificateurs  le  mangera,  il  sera  mange  au  lieu  sainct,  car  c'est  chose  tressaincte.  7.  L'oblation  pour  le  delict,  sera  comme  l'oblation  pour  le  peche,  il  y  aura  une  mesme  loy  pour  les  deux  :  ce  sera  au  Sacrificateur  qui  aura  fait  la  reconciliation.  8.  Aussi  le  Sacrificateur  offrant  l'holocauste  pour  quelqu'un,  aura  la  peau  de  l'holocauste  qu'il  a  offert.  9.  Et  toute  offerte  cuitte  au  four,  et  qui  sera  apprestee  en  chauderon,  ou  en  paelle,  sera  au  Sacrificateur  qui  l'offre.  10.  Item  toute  offerte  pestrie  a  l'huile,  ou  seche,  sera  a.  tous  les  fils  d'Aaron:  autant  a  l'un,  comme  a  l'autre,  ll.  Voici  la  loy  du  sacrifice  de  prosperitez,  qu'on  offrira  a  l'Eternel.  12.  Si  quelqu'un  l'offre  pour  rendre  graces,  il  offrira  des  gasteaux  sans  levain  pestris  a  l'huile,  et  des  tourteaux  sans  levain  oingts  d'huile,  et  de  la  fine  farine  fritte  comme  gasteaux  pestris  a  l'huile,  pour  le  sacrifice  d'action  de  graces.  13.  Il  offrira  aussi  pour  son  present  des  gasteaux  de  pain  leve  pour  le  sacrifice  de  recognoissance,  l'oblation  de  ses  prosperitez.  14.  Et  en  offrira  l'un  de  toute  l'oblation  pour  eslevation  a  l'Eternel,  et  sera  au  Sacrificateur  qui  respendra  le  sang  de  l'oblation  de  prosperitez.  15.  Pareillement  la  chair  du  sacrifice  de  recognoissance  de  ses  prosperitez,  sera  mangee  au  iour  de  son  oblation,  sans  en  laisser  d'icelle  iusques  au  lendemain.  16.  Si  le  sacrifice  de  son  oblation  est  par  voeu,  ou  fait  volontairement,  il  sera  mange  au  iour  qu'il  offrira  son  sacrifice,  et  s'il  y  a  quelque  reste,