52:157  157  CAPUT  III.  158  5.  Ne  forte  tentasset  Hoc  verbo  docet  timendas  semper  esse  tentationes,  quia  proprium  Satanae  officium  sit  tentare.  Quemadmodum  autem  ille  undique  insidias  nobis  struere,  et  laqueos  circumcirca  tendere  nobis  non  cessat:  ita  nos  in  excubiis  esse  oportet  intentos  ad  cavendum.  Ac  tam  aperte  dicit  quod  initio  quasi  nimis  asperum  refugerat,  nempe  se  suisse  sollicitum  ne  irriti  essent  sui  labores,  si  forte  praevaleret  Satan.  Atque  hoc  facit  ut  sedulo  advigilent  ipsi,  et  acrius  se  exstimulent  ad  resistendum.  6.  Nuper  autem  quum  venisset  Timotheus  ad  nos  a  vobis,  et  annuntiasset  nobis  fidem  et  dilectionem  vestram  j  et  quod  bonam  nostri  memoriam  habetis  semper,  desiderantes  nos  videre,  quemadmodum  et  nos  ipsi  vos:  7.  inde  consolationem  percepimus,  fratres,  de  vobis,  in  omni  tribulatione  et  necessitate  nostra  per  vestram  fidem:  8.  quia  nunc  vivimus,  si  vos  statis  in  Domino.  9.  Quam  enim  gratiarum  actionem  possimus  Deo  reddere  de  vobis,  in  omni  gaudio  quod  gaudeamus  propter  vos  coram  Deo  nostro,  10.  nocte  ac  die  supramodum  precantes,  ut  videamus  faciem  vestram,  et  suppleamus  quae  fidei  vestrae  desunt?  Hic  alio  argumento  demonstrat  quam  singulari  erga  eos  amore  sit  affectus,  quod  scilicet  laeto  prosperi  eorum  status  nuntio  quasi  extra  se  raptus  fuerit.  Notandae  enim  sunt  circumstantiae  quas  recenset.  In  afflictione  ac  necessitate  erat:  non  ergo  videbatur  hilaritati  esse  locus.  Sed  quum  de  Thessalonicensibus  audit  quod  optabat,  quasi  exstincto  malorum  sensu  in  gaudium  et  gratulationem  effertur:  quamquam  gradatim  ad  hanc  gaudii  magnitudinem  exprimendam  procedit.  Nam  primo  dicit  consol  a  t  i  o  n  em  p  e  r  c  e  p  i  m  u  s  :  postea  effusum  ubertim  gaudium  praedicat.  Caeterum  haec  gratulatio  vim  exhortationis  habet:  atque  hoc  consilium  fuit  Paulo  ut  Thessalonicenses  ad  pergendum  invitaret.  Et  certe  hic  acerrimus  esse  stimulus  debuit,  quum  intelligerent  sancto  apostolo  tantum  solatii  et  gaudii  accidere  ex  pietatis  suae  profectu.  6.  Fidem  et  dilectionem.  Quo  frequentius  apud  Paulum  occurrit  haec  loquendi  forma,  eo  diligentius  notanda  est:  totam  enim  pietatis  summam  breviter  indicat  his  duobus  verbis.  Quare  quicunque  ad  hunc  duplicem  scopum  collimant,  in  tota  vita  sunt  extra  errandi  periculum.  Alii  omnes  quantumvis  se  torqueant,  misere  vagantur.  Tertium  quod  addidit  de  bona  sui  memoria,  ad  evangelii  reverentiam  spectat.  Non  enim  alio  nomine  Paulum  tam  earum  et  in  tanto  pretio  habebant.  8.  Quia  nunc  vivimus.  Hic  clarius  adhuc  patet  ut  se  ipsum  propre  oblitus  fuerit  Paulus  Thessalonicensium  causa,  vel  saltem  posthabito  sui  respectu  primam  ac  potissimam  suam  cogitationem  ad  ipsos