51:157  157  CAPUT  I.  158  tidie  confligunt,  sunt  exercitati,  facile  agnoscunt,  nihil  hic  amplius  suisse  dictum,  quam  oportuerat.  Nam  quum  pro  rei  dignitate  nihil  possit  dici  nimium,  partim  diffidentiae  nostrae,  partim  ingratitudinis  causa  tam  magnifice  loquutus  est  Paulus.  Nam  aut  nunquam  satis  digne  reputamus  quantus  sit  thesaurus  qui  nobis  proponitur  in  evangelio  :  aut  si  id  vere  sentiamus,  non  possumus  nobis  persuadere,  eius  nos  esse  capaces:  quia  nihil  in  nobis  cernimus  quod  respondeat,  quin  potius  adversa  omnia.  Ergo  Paulus  tam  in  eo  elaboravit,  ut  regni  Christi  gloriam  extolleret  apud  Ephesios,  quam  ut  serio  divinae  gratiae  sensu  afficeret  eorum  animos.  Ne  autem  propriae  indignitatis  respectus  eos  deiiceret,  revocat  eos  ad  considerandam  Dei  potentiam:  ac  si  diceret,  eorum  regenerationem  opus  esse  Dei,  neque  id  vulgare,  sed  in  quo  immensam  suam  virtutem  mirabiliter  declaraverit.  Caeterum  inter  tria  nomina,  quae  hic  posuit,  hoc  interest,  quod  robur  est  quasi  radix,  potentia  autem  arbor,  efficacia  fructus.  Est  enim  extensio  divini  brachii,  quae  in  actum  emergit.  20.  Quam  exseruit  in  Christo,  dum  illum  excitavit  a  mortuis  et  sedere  fecit  in  dextera  sua,  in  coelestibus.  21.  Super  omnem  principatum,  et  potestatem,  et  virtutem,  et  dominationem,  et  omne  nomen  quod  nominatur,  non  tantum  in  saeculo  hoc,  sed  etiam  in  futuro.  22.  Et  omnia  subiecit  pedibus  eius,  et  ipsum  posuit  caput  super  omnia  ecclesiae.  23.  Quae  est  corpus  eius,  et  complementum  eius,  qui  omnia  in  omnibus  adimplet  20.  Quam  exseruit  in  Christo.  Verbum  graecum  est  evepyrcaev,  unde  evepyeca.  Perinde  ac  si  latine  dicas,  secundum  efficaciam,  quam  effecit.  Sed  quod  ego  transtuli,  idem  valet  et  minus  est  durum.  Merito  autem  hic  nos  potentiam  illam  in  Christo  intueri  iubet.  Nam  in  nobis  adhuc  latet:  quia  virtus  Dei  in  infirmitate  perficitur  (2.  Corin.  12,  9).  In  quo  enim  filios  mundi  praecellimus,  nisi  quod  videtur  nostra  conditio  aliquanto  deterior?  Peccatum  quidem  etiamsi  non  regnet,  adhuc  tamen  in  nobis  habitat,  mors  adhuc  viget,  beatitudo  sub  spe  inclusa  non  perspicitur  a  mundo.  Virtus  spiritus  res  est  carni  et  sanguini  incognita:  interim  mille  aerumnis  sumus  obnoxii,  ut  magis  simus  quam  alii  despicabiles.  Solus  itaque  Christus  speculum  est,  in  quo  contemplari  liceat  quod  in  nobis  propter  crucis  infirmitatem  subobscuram  est.  Ita  quum  fiducia  iustitiae,  salutis  et  gloriae  erigendi  sunt  animi,  discamus  eos  ad  Christum  convertere.  Nos  enim  adhuc  mortis  subiacemus  imperio:  ille,  coelesti  potentia  excitatus  a  mortuis,  vitae  dominium  habet.  Nos  sub  peccati  servitute  laboramus,  et  infinitis  miseriis  circumdati  militamus  duram  militiam  :