42:157  157  SUR  LE  XII.  CHAP.  DE  DANIEL.  158  seure  de  la  main  du  peuple  sainct  sera  finie,  c'est  pour  mieux  exprimer  ce  qui  ha  desia  este  touche,  c'est  a  scavoir  que  iusques  en  la  fin  du  monde,  il  faudra  que  l'Eglise  soit  assuiettie  h  beaucoup  d'afflictions  et  de  miseres.  N'imaginons  point  donc  en  ce  monde  ici,  quelque  royaume  paisible  et  quelque  felicite  pour  estre  a  nostre  aise  et  a  repos,  mais  sachons  que  quand  nous  aurons  endure  pour  quelque  temps,  qu'il  faudra  que  nous  continuons  en  cela,  iusques  en  la  fin,  pourquoy?  Par  ci  devant  nous  avons  veu  que  Daniel  (c'est  a  dire  l'ange  parlant  a  luy)  conioignoit  les  troubles  qui  devoient  advenir  a  la  resurrection,  cela  estoit  pour  monstrer  qu'apres  la  venue  de  nostre  Seigneur  Iesus,  il  faudroit  encores  que  les  fideles  eussent  beaucoup  a  endurer,  et  cela  estoit  a  fin  de  nous  mener  plus  loing  que  ce  monde,  a  fin  que  nul  ne  s'amusast  en  cette  folle  esperance  pour  se  promettre,  ce  que  Dieu  ne  nous  veut  point  donner:  les  hommes  se  pourront  bien  plaindre  de  ce  qu'ils  sont  frustres  de  leur  attente,  et  pourquoy?  Pource  qu'ils  se  promettent  ce  qu'ils  ne  se  peuvent  pas  donner.  Voila  Dieu  qui  nous  advertist  souventesfois,  et  nous  monstre  qu'il  veut  esprouver  nostre  foy  par  diverses  tribulations,  et  quand  nous  aurons  passe  par  la,  qu'il  veut  que  nous  soions  en  exemple  aux  autres,  et  a  ceux  qui  viendront  apres  nous.  Cependant  les  hommes  se  viennent  forger  des  songes  en  leurs  testes,  et  pourquoy  ceci  ne  pourroit  il  advenir?  voire  ils  se  destournent  de  la  verite  de  Dieu,  et  que  leur  reste  il  sinon  mensonge,  d'autant  mieux  donc  nous  faut  il  noter  ce  passage  ou  il  est  dit,  quand  la  casseure  de  la  main  du  peuple  sainct  sera  finie,  que  Iesus  Christ  viendra  en  sa  gloire,  et  qu'il  recueillera  tous  les  siens,  tellement  qu'ils  luyront  alors,  comme  la  splendeur  du  firmament,  ainsi  qu'il  ha  este  dit.  Or  il  nous  faut  encores  mieux  considerer  les  mots,  dont  use  ici  le  prophete,  il  dit  la  casseure  ou  dissipation,  le  mot  emporte  cela,  quand  un  corps  sera  casse  et  rompu,  qu'il  sera  comme  descire  par  pieces,  il  semble  bien  que  ceci  n'accorde  point  avec  la  doctrine  de  sainct  Paul,  car  quand  il  traite  de  l'union  de  l'Eglise  il  dit,  que  c'est  un  corps  si  bien  proportionne,  qu'il  n'y  ha  que  redire,  que  les  choses  y  sont  si  bien  conduites,  et  en  si  bon  ordre  que  on  voit  la  une  perfection  de  toute  concorde,  ouy  bien  mais  regardons  un  peu  en  quoy  consiste  cet  accord  dont  parle  sainct  Paul:  or  il  parle  d'un  accord  spirituel  que  Dieu  distribue  tellement  ses  graces  aux  hommes,  qu'estans  unis  en  une  mesme  foi,  et  une  esperance  de  l'heritage  eternel,  qu'ils  cheminent  ici  en  vraye  fraternite,  qu'il  y  ha  une  communication  mutuelle,  a  fin  que  les  graces  de  Dieu  profitent,  bref  quand  nostre  Seigneur  Iesus  Christ  domine  par  dessus  nous,  qu'il  nous  gouverne  par  son  S.  Esprit,  alors