29:157  157  SUR  LE  DEUTER.  CHAP.  XXXIII.  158  Sodome  et  Gomorrhe.  Ceci  donc  n'a  pas  este  que  pour  un  petit  nombre.  Et  ainsi,  nous  avons  a  recueillir,  quand  Dieu  donnera  quelque  promesse  a  un  peuple,  que  beaucoup  ne  laisseront  point  de  perir  :  mais  ceux  qui  invoqueront  purement  le  Nom  de  Dieu  seront  reservez:  comme  il  est  dit  en  Ioel.  Encore  qu'il  semblast  qu'il  y  eust  un  deluge  pour  tout  engloutir,  Dieu  trouvera  un  moyen  incomprehensible  pour  retirer  les  siens,  qu'ils  ne  periront  point  avec  la  multitude.  Et  ainsi,  quand  nous  oyons  quelque  promesse,  pensons  a  nous,  et  que  nous  la  recevions  en  purete  de  foy,  et  alors  ne  doutons  point  qu'elle  ne  soit  accomplie:  mais  si  nous  cuidons  que  Dieu  doyve  estre  oblige  a  nous,  pource  que  nous  aurons  ouy  une  promesse:  et  cependant  que  nous  serons  '  desbordez,  et  qu'il  ne  nous  chaille  de  luy,  mais  qu'il  semble  plustost  que  nous  ne  vueillions  rien  avoir  de  commun:  il  est  certain  qu'il  pourra  bien  se  monstrer  fidelle,  et  accomplir  ce  qu'il  a  dit:  et  cependant  nous  perirons,  que  cela  ne  nous  servira  de  rien.  Et  de  faict,  nous  voyons  comme  Dieu  besongne  en  ceste  facon  pour  conserver  l'estat  de  son  Eglise.  Il  dit  bien  en  general  quJil  est  nostre  protecteur:  mais  cependant  nous  voyons  que  la  plus  grande  multitude  est  dissipee,  et  qu'il  n'y  en  a  cependant  qu'un  petit  nombre  qui  demeure:  voire,  mais  Dieu  fait  tousiours  que  son  Eglise  ne  soit  pas  esteinte,  et  qu'il  y  ait  quelque  residu:  comme  il  est  dit  en  Isaie,  qu'il  gardera  quelque  petite  semence.  Et  ainsi,  advisons  d'estre  de  la  semence  que  Dieu  retient  a  soy,  quand  il  punit  ceux  qui  se  sont  destournez  de  luy:  encor  qu'auparavant  ils  eussent  le  nom  et  le  titre  d'estre  de  sa  maison,  et  que  de  faict  Dieu  leur  a  adresse  les  promesses  de  salut:  mais  ils  ne  les  ont  point  receues.  Advisons  donc  de  ne  nous  point  desbaucher  avec  le  plus  grand  nombre.  Or  notamment  il  est  dit,  que  Dieu  le  couvrira  habitant  entre  ses  espaules.  Moyse  monstre  ici  pourquoy  Dieu  maintiendra  la  lignee  de  Ben-iamin,  laquelle  toutesfois  pouvoit  sembler  estre  du  tout  perie:  c'est  qu'il  voudra  habiter  sur  ses  espaules.  Car  le  temple  estoit  basti  en  la  lignee  de  Ben-iamin,  combien  que  le  royaume  fust  en  la  lignee  de  Iuda,  et  que  la  mesmes  fust  bastie  la  maison  royale,  si  est-ce  que  la  montagne  de  Sion  estoit  escheue  en  partage  a  la  lignee  de  Ben-iamin.  Dieu  donc  habitoit  sur  ses  espaules,  ou  entre  ses  espaules:  comme  si  un  homme  portoit  un  fardeau  sur  son  col,  ainsi  Dieu  declare  qu'il  est  porte  de  la  lignee  de  Ben-iamin  en  partie,  comme  nous  avons  monstre,  d'autant  qu'il  vouloit  habiter  sur  luy,  et  qu'il  vouloit  avoir  la  son  temple  :  et  parle  des  espaules  au  regard  de  la  montagne  de  Sion.  Et  ainsi,  pource  que  Ben-iamin  portoit  Dieu  sur  ses  espaules,  c'est  a  dire,  d'autant  que  le  temple  auquel  Dieu  vouloit  estre  servi,  estoit  basti  en  la