27:157  157  SUR  LE  DEUTER.  CHAP.  XII.  158  qu'on  brusle  les  bois  ou  on  avoit  servi  les  idoles,  et  adore.  Il  est  vray  qu'auiourduy  les  Papistes,  ont  une  replique:  Que  cela  a  este  commande  aux  Iuifs,  d'autant  que  ce  peuple-la  estoit  du  tout  adonne  a,  superstition.  Voire,  comme  si  auiourd'huy  nous  estions  beaucoup  mieux  disposez.  Il  est  vray  que  Dieu  ne  commande  pas,  quant  a  la  ceremonie,  qu'on  brusle  tout  ce  qui  a  servi  aux  idoles:  mais  cependant  si  veut-il  que  tout  ce  qui  nous  pourroit  destourner  de  la  pure  religion,  soit  racle  du  milieu  de  nous.  S'il  falloit  que  tout  ce  qui  a  servi  aux  idoles  fust  aboli,  ce  temple  ne  seroit  pas  auiourd'huy  pour  prescher  au  nom  de  Dieu  :  c'a  este  un  bourdeau  de  Satan,  mais  ils  nous  le  faut  appliquer  a  bon  usage,  voire  ostant  toutes  les  tromperies  qui  y  ont  regne,  lesquelles  estoyent  totalement  contraires  a  la  parolle  de  Dieu.  Mais  quoy  qu'il  en  soit,  quand  nous  aurons  bien  regarde  a  nostre  infirmite,  nous  trouverons  qu'auiourd'huy  ceste  doctrine  nous  appartient:  Que  toute  memoire  des  idoles  soit  retranchee,  et  qu'on  ne  s'y  addonne  plus.  Or  il  n'y  a  point  d'autre  remede,  veu  que  ceste  maladie  est  si  fort  enracinee  en  nous,  ie  di  la  maladie  de  superstition:  qu'il  faut  que  tous  obiets  mouvens  soyent  ostez,  afin  que  le  Diable  n'ait  plus  de  moyen  de  nous  attrapper,  qu'il  n'ait  plus  ses  filets  tendus  pour  nous  circonvenir:  mais  que  nous  cognoissions  simplement  comme  Dieu  veut  estre  adore  et  servi.  Or  cependant  nous  pouvons  aussi  recueillir  de  ce  passage,  comme  les  hommes  sont  enragez  en  leurs  superstitions:  comme  aussi  les  Prophetes  en  parlent.  Car  ils  usent  de  ces  similitudes,  qu'ils  ne  sont  pas  seulement  comme  un  homme  qui  sera  transporte  de  folles  amours,  qui  perdra  et  sens,  et  honnestete,  et  contenance:  mais  qu'ils  sont  comme  des  chevaux  qui  bennissent  apres  des  iuinens,  et  autres  bestes  brutes.  Voila  donc  comme  les  povres  idolatres  sont  transportez  en  leurs  superstitions.  Et  ceci  nous  est  declaire,  quand  nous  oyons  parler  des  bois  de  haute  fustaye,  qu'on  appelle,  des  montagnes^  des  costaux.  Car  il  n'y  avoit  anglet  ou  les  Iuifs  n'eussent  quelque  devotion  particuliere:  comme  nous  voyons  aussi  que  les  idolatres  ont  empoisonne  de  leurs  ordures,  et  superstitions,  et  de  leurs  charmes,  les  fontaines,  les  bois,  les  montagnes  :  ou  il  y  avoit  quelque  chose  notable,  incontinent  il  falloit  dresser  un  temple,  bastir  une  chappelle,  et  adorer  la  quelque  idole,  il  n'y  a  iamais  ne  fin  ne  mesure  quand  les  hommes  se  permettent  licence  d'adorer  Dieu  a  leur  appettit.  Or  voyant  cela,  d'autant  plus  devonsnous  estre  retenus  en  bride,  pour  ne  rien  attenter  outre  la  parolle  de  Dieu.  Car  il  ne  se  pourroit  faire  autrement  que  Satan  ne  nous  esgare,  tellement  qu'il  y  aura  une  confusion  horrible  en  nostre  cas,  si  nous  ne  demeurons  entre  nos  bornes,  et