21:157  157  VITA  CALVINI.  158  autem  singulari  Dei  beneficio  in  eam  confidentiam  illis,  quod  vix  credibile  sit,  temporibus  erecta  fuit,  tanquam  Domino  ex  densissimis  tenebris  limpidissimam  lucem  iterum  atque  iterum  excitante,  ut  quo  anno  et  momento  fere  in  ipsius  exitium  tam  potentes  principes  coniurarent  magnificis  aedibus  Gymnasii  a  fundamento  hortatore  Calvino  exstructis,  scholam  octo  puerorum  praeceptoribus  et  publicis  hebraicae  et  graecae  linguae  ac  philosophiae,  theologiae  denique  professoribus  ornatam  Deo  Optimo  Maximo,  solenni  ritu  honorato  et  frequenti  coetu  in  primario  templo  perlectis  tum  primum  atque  expressis,  quae  ad  utilissimae  ac  sanctissimae  institutionis  usum  et  confirmationem  perpetuam  pertinerent,  solenni  quodammodo  ritu  consecraret.  Anno  proximo  1)  gravatus  est  invidia  Calvinus  a  nonnullis,  quasi  quosdam  adversus  Franciscum  II.  paterni  regni  haeredem  concitasset,  eos  videlicet  a  quorum  casu  Ambosiani  tumultus  nomen  auditum  est,  quum  Calvinus  ipse,  quod  certo  scio2)  quidquid  hoc  fuit  nunquam  intellexerit,  adeoque  palam  ore  et  scriptis  ad  amicos  literis  improbarit.  Eodem  anno  Stancarus  quidam  Mantuanus  (fatali  videlicet  Polonis  Italia)  asserere  coepit  Christum  non  esse  nisi  secundum  carnem  mediatorem:  Arianismi  insimulans  quotcunque  illum  dicerent,  quatenus  etiam  Deus  est,  mediatorem  esse,  quasi  filium  facerent  patre  minorem.  Hanc  calumniam  et  totum  hoc  dogma,  quum  alii  ut  Philippus  et  Martyr  solide  refutarunt,  tum  etiam  Calvinus  rogantibus  Polonis  perbreviter  quidem  sed  nervose  admodum  coarguit:  simulque  prospiciens  quod  mox  evenit,  futurum  videlicet  ut  Stancari  refutandi  studio  nonnulli  imperitiores,  nisi  sibi  caverent,  in  errorem  Tritheitarum  inciderent,  diserte  praemonuit,  ut  a  Blandrata  et  aliis  eum  sequutis  sibi  caventes  sic  adsererent,  Christum  esse  secundum  utramque  naturam  mediatorem,  ut  interea  deitatems)  non  multiplicarent.  Sed  frustra  id  factum,  quod  ad  eos  attinet,  quibus  pereundum  erat4).  Tum  quoque  Waldenses  Boemi,  quos  vocant,  duobus  fratribus  ad  Calvinum  missis,  quaedam  ab  eo  sunt  de  religione  percontati  quibus  ille  sicut  par  erat  benigne  satisfecit,  eos  etiam  cohortatus  ut  cum  reliquis  ecclesiis  sese  prorsus  coniungerent.  Eodem  tempore  quum  non  pauci  pii  Galli,  post  Mariae  Reginae  mortem,  singulari  serenissimae  Reginae  Elizabethae  pietate  et  humanitate  freti  in  Angliam  refugerent,  peterentque  reverendi  viri  Edmundi  Grindalli  episcopi  Londinensis  assensu  ut  Geneva  1)  MDLX.  2)  quod  omnibus  constare  voluit  rece.  3)  add.  inaequalitate  quoque  inducta.  4)  qui  se  ultro  perditum  iverunt  (rece.)