1:157  [CO  1.  157]  mus.  Alteram,  quae  in  proximi  gratiam  facienda  sit,  ad  ipsum  placandum  et  nobis [p. 319]  reconciliandum,  si  qua  in  re  nostro  vitio  laesus  fuerit.  De  qua  Christus  apud  Matthaeum  (Matth.  5):  si  offers  munus  tuum  ad  altare  et  ibi  recordatus  fueris  quia  frater  tuus  habet  aliquid  adversum  te,  relinque  ibi  munus  tuum  et  abi,  priusque  reconciliare  fratri  tuo,  et  tunc  veniens  offeres  munus  tuum.  Sic  enim  sarcienda  est  caritas,  quae  nostra  culpa  dissoluta  fuerit:  culpam  quam  admisimus  agnoscendo  et  deprecando.  Aliam  confitendi  vel  rationem,  vel  formam  scriptura  prorsus  ignorat.  Quid  illi?  Statuunt,  ut  omnes  utriusque  sexus,  statim  atque  ad  discretionis  annos  pervenerint,  semel  ad  minimum  quotannis  confiteantur  omnia  sua  peccata,  proprio  sacerdoti;  nec  peccatum  dimitti,  nisi  confitendi  votum  firmiter  conceptum  fuerit  1).  Quod  votum  nisi  oblata  facultate  persolutum  fuerit,  iam  nullus  patet  paradisi  ingressus.  Sacerdotem  vero  potestatem  habere  clavium,  quibus  peccatorem  solvat  et  liget,  quia  non  sit  irritum  Christi  verbum:  quoscunque  ligaveris  etc.  De  hac  vero  potestate  pugnaciter  inter  se  belligerantur.  Alii  dicunt  unicam  esse  clavem  in  essentia,  scilicet  potestatem  ligandi  et  solvendi  scientiam;  ad  bonum  quidem  usum  requiri,  sed  tantum  instar  accessorii  esse,  non  essentialiter  cohaerere.  Alii,  quia  videbant  hanc  nimium  effrenatam  licentiam,  duas  claves  recensuerunt: [p. 320]  discretionem  et  potestatem.  Alii  rursum,  cum  tali  moderatione  cohiberi  sacerdotum  improbitatem  viderent,  alias  claves  excuderunt:  autoritatem  discernendi,  qua  in  definiendo  uterentur,  et  potestatem  quam  exequutione  suae  sententiae  exercerent;  scientiam  accedere  velut  consiliarium  2).  [OS  181]  Istud  autem  ligare  et  solvere,  non  audent  interpretari  simpliciter,  peccata  remittere  et  delere,  quia  Dominum  clamantem  audiunt  apud  prophetam  (Ies.  43):  ego  sum,  ego  sum,  qui  deleo  iniquitates  tuas  Israel;  ego  et  non  alius  praeter  me.  Sed  dicunt,  sacerdotis  esse  pronunciare,  qui  ligati  sint  aut  soluti,  et  declarare,  quorum  remissa  aut  retenta  sint  peccata.  Declarare  autem,  vel  per  confessionem,  cum  absolvit  et  peccata  retinet,  vel  per  sententiam,  cum  excommunicat  et  recipit  ad  sacramentorum  communionem.  Demum,  cum  intelligunt  nondum  se  hoc  nodo  explicari,  quin  semper  sibi  obiici  possit,  indignos  saepe  ligari  et  solvi  a  suis  sacerdotibus,  qui  propterea  non  ligentur  aut  solvantur  in  coelo;  quod  ultimum  refugium  est,  respondent,  collationem  clavium  cum  limitatione  accipiendam  esse,  quod  Christus  promiserit,  apud  tribunal  suum  approbatum  iri  sacerdotis  sententiam,  quae  iuste  prolata  fuerit,  secun-  1)  C.  omnis  utriusque  sexus.  De  summa  Trinit.  et  fid.  cath.  in  antiq.  lib.  4.  sentent,  dist.  17.  c.  2.  .  Lib.  4.  sentent.  dist.  18.  c.  2.  2)  Postrema  opinio  fuit  Hugonis.