9:156  oculos,  veterum  testimonia  colligendo,  quoties  Christi  corpus  ore  accipi  tradunt,  sicuti  corde  creditur:  quando  satis  constat,  sacramentali  loquendi  modo  assuetos  scivisse  tamen  quid  res  a  signo  differret.  Nec  vero  nobis  displicent  magnifica  elogia,  quibus  extollitur  mysterii  dignitas.  Ac  pro  suo  more  facit  Westphalus,  contemptim  de  re  tam  praeclara  nos  loqui  exprobrans.  Locum  quem  citat  ex  Psalmo  XXXIII,  (nam  quod  numerus  mendosus  inscribitur,  culpam  malo  typographo  [pag.  45]  ascribere)*)  nullo  negotio  diluere  promptum  est.  Christum  dicit  Augustinus,  quum  sacram  coenam  institueret,  portatum  fuisse  manibus  suis.  Sed  an  Westphalo  nullius  momenti  est  correctio  mox  addita,  ubi  inseritur  particula  quodammodo,**)  qua  improprietatem  notari  certum  est?  Si  ipse  tanquam  famelicus  canis  umbram  arripit  pro  offa,  pascatur  sua  imaginatione.  Lectores  sano  iudicio  praeditos  ne  secum  decipere  tentet.  Christus  ergo  se  quodammodo  ferebat  manibus  suis  :  quia  panem  porrigens,  corpus  suum  et  sanguinem  in  mysterio  vel  spiritualiter  offerebat.  Et  quo  foetidam  hominis  impudentiam  magis  aspernentur  ingenui  lectores,  observent  amplis  characteribus,  quo  insignior  esset  conspectus,  bis  apud  Westphalum  sententiam  hanc  perscribi,  praeterita  voce  Quodammodo,  qua  tollitur  omnis  ambiguitas.  Quis  enim  figuram  vel  similitudinem  diserte  exprimi  audiens,  de  sensu  scriptoris  dubitet?  Atque  [pag.  46]  ut  alio  transeam,  velim  scire  ex  Westphalo,  nomen  oblationis,  quod  millies  occurrit  apud  Augustinum,  nullamne  commodam  interpretationem  admittat:  an  vero  si  obiiciant  papistae,  missam  vere  et  proprie  esse  sacrificium,  non  sit  tempestiva  haec  solutio,  alibi  ')  Augustinum  tradere  unicum  sacrificium,  cuius  nunc  memoriam  celebramus,  veteribus  sacramentis  fuisse  ostensum?  Huic  autem  dicto  quam  affine  sit  quod  statim  sequitur,  aestiment  lectores.  Huius,  inquit,  sacrificii,  caro  et  sanguis  ante  adventum  Christi  per  victimas  similitudinum  promittebatur,  in  passione  Christi  per  ipsam  veritatem  reddebatur,  post  ascensum  vero  per  sacramentum  memoriae  celebratur.  Haec  verba  viderit  Ioachimus  quomodo  cum  suo  dogmate  conciliet,  corpus  quod  semel  in  cruce  per  veritatem  exhibitum  fuit,  nunc  celebrari  per  sacramentum  memoriae.  Atque,  ut  hoc  testimonium  omittam,  quis  non  videt  quaecunque  [pag.  47]  proferre  conatus  est,  plus  quam  frivola  esse?  et  Augustinum  quamvis  ex  illius  manibus  nemo  excutiat,  sponte  tamen  sua  elabi?  Adde  quod  delectu  se  usum  fuisse  iactitans,  omni  in  posterum  molestia  me  liberat.  Nam  quum  assidue  in  illius  scriptis  versatus  ad  unguem  teneat  totam  eius  doctrinam,  .)  Scil  ap.  Westphalum  (M.  B.  b  ver  so)  legitur  XXXVII  *.)  Cf.  Augustin,  in  Psalm.  33.  Serm.  1,  §.  10.  Serm.  2,  §.  2.  1)  Contra  Faustum  Manichaeum  lib.  6,  cap.  5.