7:156  les  fideles,  et  du  regard  de  son  iugement,  que  de  toute  consideration  d'honnestete  humaine.  Et  c'est  la  liberte  qu'ilz  promettent,  qu'un  homme  soit  tellement  adonne  a  tout  ce  que  son  cueur  desire  et  convoite,  qu'il  ne  face  difficulte  aucune,'  comme  s'il  n'estoit  subiect  a  loy  ny  a  raison.  Car  cela  leur  est  une  servitude,  de  laquelle  ilz  ne  veulent  [page  15]  ouyr  parler.  Si  quelqu'un  pense  que  ie  leur  impose  rien  a  faulses  enseignes,  ie  monstreray  cy  apres  au  doigt,  que  ie  ne  fais  que  reciter  simplement  leurs  propos,  usant  seulement  de  facons  de  parler  entendues  et  accoustumes,  au  lieu  qu'ilz  les  desguisent  en  leur  gergon,  qui  sera  deschiffre  en  son  lieu.  CHAPITRE  III.  De  la  similitude  qui  est  entre  les  Libertins  et  plusieurs  anciens  Heretiques.  Tantost  apres  le  temps  des  Apostres  s'esleverent  des  heresies  sauvages,  que  c'est  merveilles  comment  des  resveries  tant  lourdes  ayent  peu  iamais  entrer  en  l'entendement  des  hommes.  Toutesfois  pour  un  temps  l'Eglise  Chrestienne  en  fut  aucunement  vexee.  Mais  depuis  que  on  eut  congneu  l'absurdite  si  grande,  chacun  en  eut  horreur.  Tellement  que  depuis  douze  cens  ans,  il  ne  s'est  trouve  un  seul  homme  en  tout  le  monde,  qui  y  ait  voulu  [page  16]  adherer,  au  moins  qui  en  ait  ose  faire  profession,  iusque  auiourdhuy,  que  ces  malheureux,  qui  se  nomment  Libertins,  ont  este  incitez  de  Sathan,  non  seulement  pour  blasphemer  en  semblable  facon  que  les  autres,  mais  pour  adiouster  encor  des  erreurs  plus  execrables.  Il  y  eut  premierement  un  Cerdo,  lequel  mettoit  deux  principes,  dont  il  en  nommoit  l'un  bon,  l'autre  mauvais:  disant  tout  ce  qui  est  au  monde  venir  de  l'un,  et  estre  de  la  propre  substance  d'iceluy.  En  ce  faisant,  il  nioit  la  resurrection,  pource  qu'il  imaginoit  que  tout  ce  qui  estoit  venu  de  l'un  de  ces  principes,  s'en  retournoit  a  son  origine.  De  Iesus  Christ  il  disoit  qu'il  estoit  apparu  et  avait  souffert,  seulement  par  phantasie.  Depuis  vint  Marcion,  qui  en  deguisant  aucunement  les  propos  d'iceluy,  plustost  pour  avoir  ceste  gloire  d'estre  inventeur  de  quelque  opinion,  que  pour  donner  couleur  a  ce  qui  avoit  este  mal  dict  au  paravant,  fut  quasi  semblable  a  luy.  Presque  de  ce  mesme  temps,  furent  aussi  les  [page  17]  Gnostiques,  qui  se  nommoyent  ainsi,  pour  s'attribuer  une  excellente  congnoissance  par  dessus  les  autres:  combien  que  les  fideles  les  nommoyent  Borborites,  pour  denoter  qu'ilz  en  tenoyent  autant  de  compte,  comme  de  grenoilles  sorties  d'un  borbier.  Iceux  tenoyent  pareillement  l'ame