52:156  pondus  haec  verba,  placuit  ut  solus  r  e  i  i  n  -  quer  e  r  :  Timotheus  valde  fidus  illi  erat  comes,  nullus  tunc  alios  secum  habebat:  ergo  incommodum  et  molestum  erat  eo  carere.  Signum  ergo  rari  amoris  est  et  anxii  desiderii,  quod  se  omni  solatio  privare  non  recusat,  ut  subveniat  Thessalonicensibus.  Eodem  pertinet  verbum  eoSoxTIjaajjiev,  quod  promptam  animi  inclinationem  designat.  2.  Fratrem  nostrum.  Has  laudes  ideo  adscripsit  quo  melius  ostenderet  quam  bene  illis  consultum  voluerit.  Nam  si  vulgarem  quempiam  hominem  illis  misisset,  non  multum  iuvare  illos  poterat,  et  quia  Paulus  sine  suo  incommodo  hoc  fecisset,  nullum  insigne  dedisset  paternae  erga  eos  curae  testimonium.  Hoc  vero  magnum,  quod  fratrem  et  cooperarium  sibi  detrahit,  et  cui  neminem  (ut  alibi  testatur)  parem  reperiebat,  quum  suis  commodis  omnes  studerent.  Interea  autoritatem  conciliat  doctrinae  quam  a  Timotheo  perceperant,  ut  melius  infixa  eorum  memoriae  maneat.  Merito  autem  dicit,  se  ideo  misisse  Timotheum,  ut  a  suo  exemplo  confirmationem  fidei  acciperent.  Terrere  eos  poterant  parum  laeti  rumores  de  persequutionibus,  sed  magis  eos  animare  debebat  intrepida  Pauli  constantia,  ne  fatiscerent  Et  certe  huc  etiam  se  extendit  communicatio  quae  inter  sanctos  et  membra  Christi  esse  debet,  ut  fides  unius  aliorum  sit  consolatio.  Ita  quum  audirent  Thessalonicenses  Paulum  indefesso  studio  pergere^  superare  fortitudine  fidei,  omnia  discrimina  omnesque  difficultates,  fidem  eius  ubique  adversus  Satanam  et  mundum  victricem  stare:  hoc  non  parum  consolationis  illis  afferebat.  Praesertim  vero  nos  movent,  vel  saltem  movere  debent  eorum  exempla  a  quibus  sumus  in  fide  instituti:  quemadmodum  dicitur  in  fine  epistolae  ad  Hebraeos  (13,  7).  Intelligit  itaque  Paulus  suo  exemplo  debuisse  sustineri,  ne  in  afflictionibus  fatiscerent.  Quia  autem  offendi  poterant  si  veritus  fuisset  Paulus  ne  succumberent  omnes  persequutioni  (quia  hoc  scilicet  nimiae  diffidentiae  erat),  temperat  hanc  asperitatem  quum  dicit,  ne  quis,  vel  ut  nemo.  Merito  autem  hoc  timendum  fuit,  quando  semper  in  quovis  coetu  aliqui  sunt  infirmi.  3.  Ipsi  enim  nostis.  Quia  libenter  se  omnes  subeundae  crucis  necessitate  eximerent:  admonet  Paulus  non  esse  cur  in  persequutionibus  expavescant  fideles  quasi  ad  rem  novam  aut  insolitam,  quia  haec  nostra  sit  conditio  quam  nobis  Dominus  imposuit.  Nam  haec  loquutio,  in  hoc  sumus  cons  t  i  t  u  t  i  ,  tantundem  valet  ac  si  dixisset  hac  lege  nos  esse  Christianos.  Dicit  autem  ipsos  scire:  quia  fortius  pugnare  ipsos  decebat,  quum  in  tempore  fuissent  praemoniti.  Adde  quod  apud  rudes  et  ignaros  Paulum  assiduae  afflictiones  reddebant  contemptibilem  :  ideo  nihil  sibi  usu  venisse  commemorat,  niai  quod  tanquam  vates  multo  ante  praedixerit.