51:156  ret  Deus  noster.  Patrem  gloriae  pro  patre  glorioso  ex  usu  linguae  hebraicae  dici,  notum  est.  Ideo  haec  duo  simul  iungi  non  inepte  possunt,  quod  sit  gloriosus  Christi  pater:  ut  Dei  nomen  seorsum  legatur:  quod  mihi  non  displicet.  S  p  i  r  i  t  u  s  vero  sapient  i  a  e  et  revelationis  pro  ipsa  gratia  capitur,  quam  Dominus  per  spiritum  suum  nobis  confert.  Est  enim  metonymica  loquutio.  Sed  notemus,  quae  dona  sunt  spiritus,  non  esse  naturae  dotes.  Ita  caeci  sunt  nobis  oculi  cordis,  donec  aperiantur  a  Domino.  Stultitia  est  ac  ignorantia  quidquid  sapimus,  donec  spiritus  magisterio  fuerimus  edocti.  Denique  vocationis  divinae  cognitio  captum  iugenii  nostri  superat,  donec  arcana  revelatione  spiritus  Dei  eam  nobis  patefecerit  Ubi  vertimus  in  agnit  i  o  n  e  ipsius,  legi  etiam  potest,  in  agnitione  sui  :  et  utrumque  optime  quadrat.  Nam  qui  novit  filium,  novit  et  patrem.  Sed  tamen  quod  ferebat  relativi  proprietas,  reddere  malui.  Cordis  nomen  quod  posuit  vetus  interpres,  in  quibusdam  graecis  codicibus  legitur:  nec  multum  est  momenti,  quia  Hebraei  pro  rationali  animae  parte  saepe  usurpant:  licet  alioqui  proprie  voluntatem  significet,  vel  partem  animae  app  e  ti  ti  v  am,  quia  est  sedes  affectuum.  Praetuli  tamen  quod  magis  erat  usitatum.  18.  Quae  divitiae.  Rei  excellentiam  praedicat,  ut  ipsa  comparatio  nos  admoneat  quam  simus  impares  tam  sublimi  notitiae.  Neque  enim  parva  res  est  Dei  potentia.  Eius  autem  magnitudinem  exsertam  esse  dicit  erga  Ephesios  :  neque  id  simpliciter,  sed  cum  exsuperantia.  Porro  huc  semper  incumbit  ut  vocationem  suam  prosequantur.  Ideo  magnificat  Dei  gratiam  erga  ipsos,  ne  contemptu  aut  fastidio  resiliant.  Sed  interim  monent  nos  tam  splendida  elogia,  adeo  non  vulgare  Dei  opus  ac  donum  esse  fidem,  ut  satis  pro  dignitate  celebrari  nequeat.  Neque  enim  hyperbolas  sine  delectu  efflat  Paulus:  sed  ubi  de  fide  agitur,  quia  res  est  mundo  superior,  in  admirationem  coelestis  potentiae  nos  attollit.  19.  Secundum  efficaciam,  ete.  Hoc  aliqui  referunt  tantum  ad  verbum  credendi,  quod  proxime  praecessit:  sed  ego  potius  magnitudinem  potentiae  complector,  ut  nova  sit  amplificatio.  Ac  si  diceret,  in  illa  magnitudine  potentiae  apparuisse  quanta  sit  efficacia  potentiae  roboris:  vel  si  mavis,  illam  magnitudinem  potentiae,  specimen  esse  ac  documentum  efficaciae  roboris.  Supervacua  videtur  repetitio  vocabuli  Suvapiswc  :  sed  priore  loco  restringitur  ad  speciem  unam:  secundo  autem  generaliter  capitur.  Videmus  ut  sibi  nunquam  satisfaciat  Paulus  in  praedicanda  nostra  vocatione.  Et  sane  mirifica  Dei  virtus  hic  se  profert,  quum  a  morte  traducimur  ad  vitam:  atque  ex  filiis  gehennae,  filii  Dei  et  vitae  aeternae  haeredes  efficimur.  Stulti  homines  frigidam  esse  hyperbolen  hoc  loco  putant:  sed  qui  variis  conscientiae  certaminibus,  quibuscum  pii  quo-