42:156  Dieu  les  modere  et  atrempe  selon  qu'il  connoist  qu'il  est  expedient  et  propre  pour  nostre  salut.  Et  voila  aussi  pourquoy  sainct  Paul  parlant  de  la  patience  des  fideles,  la  conioint  avec  la  consolation  qu'ils  prennent  aux  promesses  de  Dieu,  et  monstre  qu'il  y  ha  un  accord  en  cela,  et  non  sans  cause,  car  voila  Dieu  qui  promet  aux  siens  de  les  conduire  en  telle  sorte  qu'il  convertira  a  leur  salut  toutes  les  miseres  et  calamites  qu'ils  endureront.  Quand  ils  ont  cette  promesse  la,  c'est  pour  adoucir  tous  leurs  maux,  qu'ils  ne  leur  sont  plus  amers  ne  difficiles  a  porter,  au  contraire  quand  nous  n'avons  point  cela,  il  fault  que  nous  soions  pleins  de  despit,  de  rebellion,  et  de  murmures,  a  rencontre  de  Dieu,  toutes  fois  et  quantes  qu'il  nous  afflige.  Il  est  vray  qu'on  en  verra  d'aucuns  qui  prendront  le  frain  aux  dents,  comme  on  dit,  et  s'endurciront  en  leurs  afflictions,  mais  ce  n'est  pas  la  une  patience  que  Dieu  approuve,  c'est  une  patience  de  lombard,  comme  on  dit,  c'est  a  dire  une  patience  forcee,  mais  si  est-ce  qu'ils  grincent  les  dents  a  l'encontre  de  Dieu,  et  l'arracheront  volontiers  de  son  siege,  s'il  leur  estoit  possible.  Voila  done  quelle  est  la  patience  des  hommes,  cependant  qu'ils  ne  se  consolent  point  en  Dieu,  et  cela  ha  este  aux  Philosophes  qui  ont  este  doues  de  grandes  vertus,  car  ils  se  faisoient  accroire  qu'ils  estoient  patiens,  et  de  fait  ils  en  ont  voulu  avoir  le  bruit  et  le  renom,  mais  cependant  nous  voions  comment  c'est  qu'ils  se  sont  esleves  contre  Dieu,  car  ils  ne  parlent  que  de  fortune,  laquelle  est  aveugle  (disent  ils)  qui  est  autant  comme  s'ils  disoient  que  Dieu  cesse,  et  qu'il  ne  fait  rien,  qu'il  ne  tient  compte  de  conduire  ce  monde,  ils  ont  bien  enseigne  que  les  hommes  doivent  porter  patiemment  leur  condition  telle  qu'elle  est,  mais  ce  n'est  par  pour  dire  cependant  qu'ils  donnent  gloire  a  Dieu,  comme  a  celuy  qui  fait  et  conduit  toutes  choses,  rien  de  tout  cela.  En  somme  nous  voions  qu'il  est  impossible  que  nous  soions  patiens,  suivant  ce  que  i'ai  desia  allegue  de  sainct  Paul,  sinon  que  nous  aions  les  promesses  de  Dieu,  pour  nous  consoler.  Or  en  ces  promesses  il  y  ha  deux  choses,  c'est  a  scavoir  que  soit  que  Dieu  nous  afflige  soit  qu'il  nous  menace,  qu'il  donnera  tousiours  bonne  issue  et  profitable  en  nos  afflictions,  d'autre  part  quand  il  nous  monstre  sa  bonte,  et  qu'il  nous  la  fait  sentir,  il  nous  promet  quant  et  quant  qu'il  la  continuera  envers  nous,  voire,  moiennant  que  nous  n'en  abusions  point,  car  l'intention  de  Dieu  est  quand  il  nous  fait  du  bien  de  le  reconnoistre  pour  l'en  remercier,  aussi  quand  il  nous  afflige,  il  regarde  aussi  que  nous  soions  convertis  a  luy,  pour  le  magnifier  comme  celuy  qui  ha  tousiours  regard  a  nostre  salut.  Or  il  est  dit  quant  et  quant,  que  toutes  ces  choses  seront  accomplies,  quand  la  cas-