30:156  Quid  istud  est,  tam  conspicuum  inter  homines  sidus,  tam  excellentem  prophetam,  qui  etiam  Domini  nostri  Iesu  Christi  personam  repraesentabat,  salutem  populi  quam  pro  viribus  procurare  debebat  et  promovere,  potius  retardare,  et  quodammodo  impedire,  ne  Deus  populi  sui  vindex  et  assertor  appareat?  Neque  vero  destinata  malitia  et  contumacia,  sed  zelo  inconsiderato  id  facit.  Et  tamen  si  Deus  Samuelis  lamentationes  et  gemitus  admisisset,  ecclesiae  salus  prostrata  iacuisset.  An  non  igitur  quum  pro  salute  mundi  procuranda,  Samuel  illam  impediret,  Deum  oportuit  solum  operari  et  brachium  suum  ad  illam  promovendam  ex  serere?  Quapropter  agnoscamus,  quotiescunque  de  nostra  salute  cogitamus,  Deum  non  ab  hominibus  incitatum  fuisse,  ad  procurandam  ipsis  salutem:  neque  in  ipsis  ullam  invenisse  materiam  aut  occasionem  qua  ad  misericordiam  flecteretur:  sed  ex  mera  sua  bonitate  brachium  suum  armavisse,  et  iustitia  sua  fultum  fuisse.  Caeterum  si  de  hac  Davidis  unctione  ex  specie  externa  iudicium  fiat,  tanta  infirmitas  huius  operis  apparebit,  ut  sensus  et  ratio  humana  nugas  potius  et  ludicrum  nescio  quid  esse  quidquid  hic  iactum  est,  quam  rem  seriam  dicat.  Deus  enim  suum  prophetam  mittit  ad  rustici  agricolae  filium,  invenem  adhuc  et  opilionem.  Sed  ubi  reperit?  Sane  non  in  palatio,  neque  aliqua  regia  domo,  sed  in  stabulis,  quemadmodum  propheta  canit  Psal.  78:  Elegit  Davidem  servum  suum,  et  tulit  eum  de  septis  ovium.  Verum  tamen  Deus  ratam  electionem  fecit.  Sed  iussus  Samuel  repentene  mandatum  Domini  exsequitur  ?  Nae  sibi  metuit  a  Saule,  et  veretur  ne  si  ad  ipsum  res  ista  pervenerit,  ipsi  mortem  inferat.  Numquid  enim  erat  verisimile  Saulem  pacatis  rebus  tranquille  imperantem  subditis,  si  quis  nuncius  ad  ipsum  deferretur  de  alio  uncto  in  regem  a  Samuele  ipsum  ad  necem  quaesiturum?  Deinde  an  David  ungitur  statim  inaugurandus  et  dominaturus?  Minime  gentium:  sed  ista  omnia  clandestinis  consiliis  geruntur,  ut  nihil  eorum  ad  cuiusquam  aures  perveniat,  sed  intra  privatos  Isai  parietes  contineantur.  Quare,  ut  dixi,  ludicra  omnia  ista  esse  videntur  et  plane  ridicula.  Sane,  si  haec  initia  tantum  spectentur.  Sed  ita  solet  Deus  opera  sua  perficere,  ut  licet  prima  fronte  nihil  magnificum  neque  magnum  prae  se  ferant:  tamen  vel  illa  sola  vox,  Dei  imbecillitatem  esse  omnibus  humanis  viribus  longe  superiorem,  satis  declarat  Deum  sua  consilia  ad  felicem  et  optatum  exitum  semper  perdueturum.  Ita  Paulus  de  ecclesiae  conditione  loquens,  ait,  Deum  elegisse  imbecillia  mundi  huius,  ut  omnem  altitudinem  confunderet:  quae  alibi  suo  loco  fusius  persequemur:  sed  quorum  tamen  hic  nobis  luculentum,  exemplum  proponitur,  in  hoc  toto  negotio  electionis  et  unctioDis  Davidis  in  regem,  de  qua  si  ex  primordiis  iudicium  fiat,  impedimento  fuisse  ipsi