29:156  sance.  En  somme,  il  semble  que  ceux  de  Ben-iamin  deussent  estre  comme  brigands.  Or  il  est  vray  que  cela  estoit  dit,  pource  qu'il  devoit  estre  finalement  en  pays  limitrophe,  comme  on  dit,  c'est  assavoir  quand  le  royaume  d'Israel  fut  departi  d'avec  la  lignee  de  Iuda.  Car  la  moitie  de  Ben-iamin  demeura  d'un  coste,  l'autre  moitie  de  l'autre.  Voila  comme  des  membres  deschirez.  Et  falloit  bien,  puis  qu'ils  avoyent  les  premiers  assauts,  et  qu'ils  portoyent  les  premiers  hurs,  qu'aussi  ils  fussent  gens  aguerris:  Iacob  a  regarde  cela.  Or  encores  falloit-il  que  ceux  de  Ben-iamin  fussent  troublez,  voyant  que  Dieu  les  mettoit  la  a  se  maintenir  par  violence,  et  que  tousiours  ils  eussent  l'espee  au  poing:  voila  une  condition  bien  dure,  les  fidelles  pouvoyent  estre  faschez,  et  se  despitter.  Ici  donc  Moyse  adoucit  ce  qui  pouvoit  estre  trouve  trop  aspre  en  la  prophetie  de  Iacob.  Et  pourtant  il  dit  que  Ben-iamin  sera  le  bien-aime  de  Dieu,  et  qu'il  habitera  seurement  aupres  de  luy.  Et  notamment  il  a  fallu  que  ceux  de  Ben-iamin,  pour  le  moins  les  fidelles  qui  estoyent  de  ceste  lignee-la,  fussent  consolez:  pource  qu'il  est  advenu  d'horribles  enormitez,  qu'il  sembloit  bien  que  Dieu  eust  destine  ceste  maison-la  comme  un  miroir  de  son  ire:  il  a  fallu  pour  un  coup  que  tout  le  peuple  d'Israel  se  dressast  contr'eux  pour  les  exterminez  Et  de  faict,  il  y  avoit  serment  solennel  de  meurtrir  tout,  et  qu'il  ne  demeurast  point  un  seul  homme  en  vie,  et  falloit  qu'ils  advisassent  comment  on  pourroit  sauver  quatre  cens  homines  qui  ne  s'estoyent  point  trouvez  en  la  bataille,  et  qui  d'aventure  estoyent  en  une  ville  prochaine.  Voila  donc  la  lignee  de  Beniamin  qui  devoit  estre  comme  exterminee  du  monde.  Or  il  sembloit  que  par  ce  moyen  Satan  eust  une  breche,  que  Dieu  n'eust  point  preveu  a  ce  qui  devoit  advenir,  ou  bien  qu'il  eust  failli  a  sa  promesse,  quant  a  maintenir  la  lignee  d'Abraham.  Voila,  di-ie,  une  tentation  qui  estoit  grande.  Et  ainsi,  non  sans  cause  Moyse  previent  et  donne  un  bon  remede  a  ceux  qui  pourront  patiemment  porter  les  punitions  que  Dieu  leur  envoyera:  et  dit  que  ceste  lignee  encores  ne  laisseroit  point  d'estre  aimee  de  Dieu,  et  qu'elle  habitera  aupres  de  luy,  comme  sous  sa  main  en  seurte.  Or  notons  que  ceci  n'a  point  profite  a  tous  en  general.  Car  la  lignee  de  Ben-iamin  estoit  grande:  et  nous  voyons  qu'il  sortit  une  grosse  armee  en  campagne:  et  falloit  bien  aussi  qu'il  y  eut  de  l'effort,  quand  tout  le  peuple  s'estoit  arme  pour  cest  acte  execrable  qui  avoit  este  commis,  quand  on  avoit  tue  la  femme  d'un  Levite,  et  que  les  abominations  de  Sodome  regnoyent  en  ceste  ville  de  Gabaa:  et  cela  estoit  souffert  de  tous  les  Ben-iamites,  tellement  qu'il  sembloit  que  Dieu  eust  voulu  foudroyer  la,  pour  monstrer  une  telle  vengeance,  comme  auparavant  il  avoit  fait  sur