21:156  ipsius  non  Christi  causam  ageret,  totum  illud  nefarium  consilium  omisit.  Sed  extremus  hic  annus  initium  nobis  maioris  luctus  attulit,  correpto  quartana  Calvino  mense  Octobri,  quem  morbum  experti  tandem  sumus  nimium  vere  dicere  medicos  senibus  letalem  *)  esse.  Etsi  enim  morbus  ille  Calvino  octimestris  tantum  fuit,  sic  tamen  corpusculum  illud  macilentum  et  laboribus  ac  viribus  attritum  confecit,  ut  nunquam  postea  penitus  convaluerit.  Interim  ille,  quantumvis  monentibus  medicis  et  obtestantibus  nobis  ut  sese  tandem  aliquando  respiceret,  abstinere  quidem  necessario  a  concionibus  et  praelectionibus,  interea  vero  literis  undiquaque  dictandis  et  variis  scribendis  dies  ac  noctes  impendere,  nec  aliud  habere  frequentius  in  ore,  quam  sibi  acerbam  esse  vitam  ut  ipse  aiebat  otiosam,  quum  nos  interim  valentes  prae  illo  otiosi  videri  possemus.  Cuius  rei  testes  sunt  Christianae  Institutionis  ultima  editio  tum  latina  tum  gallica,  et  commentarii  in  Iesaiam  ab  eo  non  tam  emendati  (quales  illos  Galasius  ex  ore  praelegentis  exceptos  ediderat);  quam  novi  prorsus  emissi.  Insignis  fuit  annus  consequens2)  duorum  potentissimorum  regum  pace  arctissimaque  contracta  affinitate,  [C  6]  extremus  idem  fortasse  Genevensi  civitati  futurus  nisi  pontificiorum  consilia,  qui  Regis  Henrici  simplicitate  abutebantur,  divinitus  fuissent  impedita.  Constat  enim  Henricum,  severissimis  positis  edictis,  adeoque  in  carcerem  coniectis  aliquot3)  senatoribus  (qui  tantisper  [fol.  III.  5]  dum  concilium  universale  cogeretur,  mitius  in  causa  religionis  agendum  censebant),  hoc  unum  inprimis  sibi  propositum  habuisse,  ut  restituta  suo  Duci  Sabaudia  Genevam  funditus  everteret:  Genevae  contra  laborante  inprimis  Calvino  quantumvis  valetudinario,  atque  tum  gravissime  afflictas  ecclesias  cunctosque  fratres  confirmante,  tum  etiam  precibus  assiduis  opem  a  Domino  flagitante.  Ecce  vero  in  medio  illo  eminus  iuxta  ac  cominus  vigente4)  terrore  Rex  ipse  in  ipso  celebrandarum  nuptiarum  apparatu,  quibus  pacem  firmabat,  ludicro  hastarum  concursu  letale  vulnus  accepit,  atque  illud  etiam  eiusdem  unius  hominis  manu,  cui  regiorum  stipatorum  tunc  praefecto,5)  senatores  illos  comprehendendos  paulo  ante  Rex  ipse  mandarat:  quam  caedem  postea  Cardinalis  Lotharingus  xxi.  Decemb,  doctissimi  Iurisconsulti  ac  integerrimi  senatoris,  sanctissimi  denique  Christi  martyris,  Annae  Burgii  morte  iniquissima  videri  voluit  expiasse.  Geneva  1)  mortiferum  rece.  2)  MDLIX.  3)  add.  Parisiensibus.  4)  tum  procul  tum  ex  proximo  Genevam  urgente  (rece.}  5)  idque  eiusdem  illius  hominis,  comitis  videlicet  Mongomerii  manu,  cui  regiis  stipatoribus  tunc  praefecto  (rece.}