9:155  155  ULTIMA  ADMONITIO  156  Quasi  vero  nobis  quoque  in  usu  non  sint  similes  loquendi  formae.  Et  tamen  inconsiderate  facit  Westphalus,  locos  in  quibus  promiscue  Augustinus  panem  sacrum,  nunc  corpus  Christi,  nunc  eucharistiam,  vel  sacramentum  nominat,  simul  permiscens.  Obsecro,  quid  hoc  sibi  vult,  de  nobis  triumphum  agi,  quia  uno  in  loco  [pag.  42]  erogari  dicat  Christi  corpus,  in  altero  dari  sacramentum  corporis  et  sanguinis?  Si  in  una  voce  fiduciam  suam  locat  Westphalus,  quanto  maior  erit  Christi  autoritas,  quam  Augustini?  Atqui  hoc  controversia  caret,  Dominum  ipsum  pronunciare  de  pane  :  Hoc  est  corpus  meum.  Tantum  quaeritur,  propriene  et  absque  figura  panem  intelligat  esse  corpus  suum:  an  vero  nomen  rei  signatae  ad  symbolum  transferat?  Westphalus  interposita  Augustini  sententia  litem  dirimere  volens  nihil  aliud  affert,  nisi  corpus  Christi  communicari  nobis  in  coena.  Hac  ratione  fretus,  non  dubitat  haereticos  clamare  quicunque  panem  vocari  corpus  censent,  quia  figura  sit  corporis.  Quid  autem  Augustinus  ipse?  Si  sacramenta,  inquit,  1)  quandam  similitudinem  earum  rerum  quarum  sacramenta  sunt  non  haberent,  omnino  sacramenta  non  essent.  Ex  qua  etiam  similitudine  plerumque  rerum  ipsarum  [pag.  43]  nomina  accipiunt.  Sicut  ergo  secundum  quendam  modum,  sacramentum  corporis  Christi,  corpus  Christi  est,  sanguinis  sacramentum  sanguis  est:  ita  sacramentum  fidei,  fides  est.  Quid  in  his  verbis  Westphalo  significat:  Quidam  modus?  Quid  similitudo  signi  cum  re  signata,  ob  quam  nomen  transfertur?  Nunc  ut  centies  apud  Augustinum  occurrat  nomen  corporis,  tenemus  quid  sanctus  vir  in  hac  loquendi  forma  sequutus  sit.  Certe  metonymiam,  quam  semel  asseruit,  et  quam  in  quotidiano  ecclesiae  usu  vigere  docet,  ubique  agnoscet.  Nec  mirum  est  regulam  hanc  ab  co  praescribi,  qui  aperte  affirmat,  Christum  vocasse  corpus  suum,  quum  signum  daret  corporis  sui.Q)  At  diserte  tradit  Augustinus  corpus  Christi  cadere  in  terram,  et  in  os  ingredi,  nempe  eodem  sensu,  quo  et  consumi  affirmat.  Fatebiturne  Westphalus  peracta  mysterii  celebratione  consumi  Christi  corpus  ?  Atqui  per  incogitantiam  haec  ex  Augustino  verba  [pag.  44]  recitat.  Addo  etiam  quod  eodem  loco  statim  sequitur.  Postquam  enim  dixit  peracto  mysterio  panem  consumi,  quia  hominibus,  inquit,  haec  nota  sunt,  quia  per  homines  fiunt,  honorem  tanquam  religiosa  possunt  habere,  stupore  tanquam  mira  non  possunt.  r>)  Si  Westphali  commentum  recipiamus,  latere  et  inclusum  esse  sub  panis  frustulo  corpus  Christi,  quis  neget  dignum  stupore  esse  miraculum?  Desinat  itaque  simplicium  perstringere  1)  Ad  Bonifac,  epist.  23.  2)  Contra  Adimantum  Manichaeum  cap.  12.  3)  Lib.  3  de  Trin.  cap.  10.