6:155-156  LE  CATECHISME  DE  GENEVE.  LE  MINISTRE.  Ou  prends-tu  ces  commandemens  de  Dieu?  L'ENFANT.  En  plusieurs  lieux  de  la  saincte  Escriture,  et  singulierement  au  vingtieme  chapitre  d'Exode:  ou  il  est  recite  que  Dieu  luimesme  les  prononca  a  haute  voix,  disant:  Ie  suis  le  Seigneur  ton  Dieu  (etc).  RESPONSE.  Ouy.  DEMANDE.  Et  au  nom  de  qui  le  priez-vous?  RESPONSE.  Au  noin  de  Iesus  Christ  son  Fils.  DEMANDE.  Nous  devons-nous  adresser  au  Pere,  et  aller  droit  a  luy  en  nostre  propre  nom?  RESPONSE.  Il  faut  aller  et  s'adresser  seulement  au  Pere,  mais  en  la  personne  et  faveur  de  Iesus  Christ,  qui  est  nostre  seul  Advocat  et  Intercesseur.  DEMANDE.  Peut-il  prier  et  estre  Advocat  pour  tous?  RESPONSE.  Ouy,  car  il  est  tout-puissant,  et  sans  luy  nous  n'avons  accez  a  Dieu,  ni  ne  serions  exaucez.  'DEMANDE.  Les  saincts  ne  sont-ils  pas  nos  advocats?  RESPONSE.  Non.  Et  seroit  sacrilege  de  les  invoquer  et  appeler  a  tel  affaire  et  office:  car  cela  appartient  a  Iesus  Christ  seulement,  ioinct  qu'ils  ont  este  pecheurs  comme  nous,  et  ont  eu  besoin  de  l'intercession  de  nostre  Seigneur  Iesus  Christ.  DEMANDE.  Sommes-nous  asseurez  que  nous  serons  exaucez  quand  nous  prions  Dieu?  RESPONSE.  Ouy,  mais  que  nous  prions  en  foy,  ne  doutans  en  rien,  et  que  nous  demandons  choses  conformes  a  la  volonte  de  Dieu,  et  que  nous  prions  comme  Iesus  Christ  nous  a  enseignez,  pour  le  moins  en  substance,  si  on  n'use  de  la  forme  et  propres  mots.  DEMANDE.  Quel  est  le  sommaire  des  Commandemens?  RESPONSE.  Tu  aimeras  le  Seigneur  ton  Dieu  de  tout  ton  coeur,  et  de  toute  ton  ame,  et  de  tout  ton  entendement:  et  le  second  semblable  a  iceluy,  Tu  aimeras  ton  prochain  comme  toy-mesme.  DEMANDE.  Ceux  qui  n'ont  amour  ne  charite,  doyvent-ils  venir  a  la  Cene?  RESPONSE.  Non.  Car  comme  aux  tables  ou  on  mange  faut  avoir  paix,  et  non  noise  ni  debat,  a  plus  forte  raison  a  la  table  de  Dieu  il  faut  bien  hayr  les  vices,  mais  faut  aimer  les  personnes  et  prier  pour  les  mauvais.  DEMANDE.  Combien  de  fois  sommes-nous  baptizez?  RESPONSE.  Une  fois  tant  seulement,  mais  elle  dure  a  iamais,  et  neantmoins  nous  pechons  tous  les  iours.  DEMANDE.  Puis  que  nous  offensons  Dieu  et  pechons  tous  les  iours,  comment  serons  nous  sauvez?  LE  MINISTRE.  Peus-tu  accomplir  les  commandemens  de  Dieu  de  toymesme?  L'ENFANT.  Non.  LE  MINISTRE.  Qui  est-ce  donc  qui  les  accomplit  en  toy?  RESPONSE.  Pource  que  Dieu  nous  aime  et  sommes  ses  enfans,  et  nous  tient  pour  tels,  et  en  faveur  de  son  Fils  il  nous  fait  misericorde,  estans  aussi  membres  de  Iesus  Christ:  a  ceste  cause  devons  estre  asseurez  qu'il  nous  veut  estre  Sauveur,  quelques  grans  pecheurs  que  nous  soyons,  nous  imputant  et  allouant  la  iustice  et  innocence  de  Iesus  Christ  son  Fils.  Et  voyla  le  moyen  comme  nous  sommes  sauvez.  DEMANDE.  Serez-vous  sauve?  RESPONSE.  Ouy.  DEMANDE.  Par  quel  moyen?  RESPONSE.  Par  la  misericorde  de  Dieu.  DEMANDE.  Estes-vous  digne  que  Dieu  vous  face  misericorde  ?  RESPONSE.  Non.  DEMANDE.  Comment  donc  serez-vous  sauve?  RESPONSE.  Par  Iesus  Christ.  DEMANDE.  Comment  cela?  RESPONSE.  Pource  qu'il  est  mort  pour  moy,  et  ainsi  Iesus  Christ  est  mon  Sauveur.  DEMANDE.  Dieu  le  Pere  a-il  souffert  pour  vous?  RESPONSE.  Non.  DEMANDE.  N'a-il  pas  fait  quelque  chose  pour  vous?  RESPONSE.  Si  a  bien.  DEMANDE.  Et  quoy?  RESPONSE.  Il  a  envoye*son  Fils  ca  bas,  a  fin  qu'il  sauvast  le  monde,  comme  est  dit  en  sainct  Iean.  DEMANDE.  Depuis  quand  est  Iesus  Christ  Fils  de  Dieu?  RESPONSE.  Des  tousiours.  DEMANDE.  A-il  este  tousiours  Dieu,  et  Fils  de  Dieu?  RESPONSE.  Ouy.  DEMANDE.  A-il  este  tousiours  homme?  RESPONSE.  Non.  DEMANDE.  Est-il  nostre  Pere?  RESPONSE.  Non.