52:155  155  EPIST.  PAULI  AD  THESSALONICENSES  I  156  proveniat-  Alibi  (Rom.  1,  IB)  dicit  non  fuisse  sibi  a  Deo  permissum  :  sed  utrumque  verum  e8t.  Quamvis  enim  suas  partes  agat  Satan,  Deus  tamen  supremum  ius  retinet,  ut  quoties  visum  est,  invito  ac  reluctante  Satana,  viam  nobis  aperiat.  Vere  ergo  dicit  Paulus  Deum  non  permittere:  utcunque  obstaculum  sit  a  Satana.  19.  Quae  enim  spes.  Illum  desiderii  ardorem  cuius  meminit,  inde  confirmat,  quia  in  ipsis  felicitatem  suam  quodammodo  repositam  habeat.  Perinde  enim  valet  haec  sententia  ac  si  dixisset,  nisi  me  ipsum  obliviscar,  necesse  est  ut  vos  expetam  :  v  o  s  e  n  i  m  e  s  t  i  s  g  l  o  r  i  a  nostra  et  gaudium.  Porro  quod  spem  et  coronam  gloriae  suae  eos  appellat,  non  ita  accipiendum  quasi  alibi  quam  in  solo  Deo  glorietur:  sed  quia  in  omnibus  Dei  beneficiis  gloriari  in  suo  gradu  licet,  ita  ut  semper  sit  ipse  scopus:  quemadmodum  fusius  exposui  in  priorem  ad  Corinthios.  Hinc  vero  colligendum  est:  Christi  ministros,  prout  quisque  eius  regnum  propagaverit,  gloriae  et  triumphi  in  extremo  die  fore  participes.  Quare  gaudere  et  gloriari  non  alibi  iam  nunc  discant  quam  in  prospero  laborum  suorum  successu,  dum  sua  opera  Christi  gloriam  promoveri  vident.  Ita  fiet  ut  quo  decet  amoris  affectu  in  ecclesia  affecti  sint.  Particula  etiam  denotat  non  solos  esse  Thessalonicenses  in  quibus  triumphet  Paulus,  sed  esse  ex  multorum  numero.  Causalis  vero  particula  yap,  quae  paulo  post  sequitur,  improprie  loco  affirmativae  posita  est,  certe  vos  estis.  CAPUT  III.  1.  Quare  non  amplius  sufferentes,  censuimus  ut  Athenis  relinqueremur  soli:  2.  et  misimus  Timotheum  fratrem  nostrum,  et  ministrum  Dei,  et  cooperarium  nostrum  in  evangelio  Christi,  ut  confirmaret  vos,  et  vobis  animum  adderet  ex  fide  nostra,  3.  ut  nemo  turbaretur  in  his  afflictionibus:  ipsi  enim  nostis  quod  in  hoc  sumus  constituti.  4.  Etenim  quum  essemus  apud  vos,  praediximus  vobis  quod  essemus  afflictiones  passuri,  quemadmodum  etiam  accidit,  et  nostis.  5.  Quamobrem  et  ego  non  amplius  sustinens  misi  ut  cognos~  cerem  fidem  vestram:  ne  forte  tentasset  vos  is  qui  tentat,  et  exinanitus  esset  labor  noster.  1.  Quare  non  amplius.  Hac  narratione:  quae  sequitur,  desiderii  illius  sui  fidem  facit.  Nam  si  alibi  retentus  alium  neminem  suo  loco  misisset  Thessalonicam,  poterat  videri  non  adeo  ipsos  curare:  sed  quum  Timotheum  in  vicem  suam  subrogat,  suspicionem  illam  avertit:  praesertim  quum  sibi  ipsos  praefert.  Porro  se  maiorem  illorum  quam  sui  rationem  habuisse  ostendit,  quod  maluerit  relinqui  solus  quam  ipsos  destitui.  Habent  enim