42:155  155  SERMON  XLVI.  156  quer  ceci  a  son  profit  selon  sa  portion  et  mesure,  que  faut  il  donc?  En  premier  lieu  notons,  que  cependant  que  nous  aurons  a  vivre  en  ce  monde,  qu'il  faudra  que  nous  soions  fasches  et  tourmentes,  maintenant  d'une  sorte,  maintenant  de  l'autre,  qu'un  chacun  donc  des  fideles  face  son  compte  et  qu'il  se  prepare  d'endurer,  iusques  a  la  mort,  car  nostre  repos,  n'est  point  ici  bas,  chacun  aura  il  regarde  a  soy?  Si  nous  iettons  puis  apres  la  veue  sur  toute  l'Eglise,  et  que  nous  voions  que  Dieu  permette  qu'on  face  beaucoup  de  troubles,  et  beaucoup  de  molestos  aux  siens,  et  bien  il  faut  qu'ainsi  soit,  et  non  pas  pour  un  an  ne  pour  deux,  mais  iusques  a  ce  que  le  temps  soit  accompli,  car  sous  ce  mot  d'an,  comme  i'ai  desia  declare,  l'escriture  saincte  entend  un  long  terme  qui  n'est  pas  si  tost  passe:  si  cela  estoit  bien  imprime  en  nos  coeurs,  nous  ne  serions  pas  si  impatiens  pour  nous  destourner  de  la  foy,  car  qui  est  cause  qu'il  y  en  ha  si  peu  qui  perseverent  en  l'obeissance  de  Dieu,  c'est  pource  qu'ils  voient  que  la  condition  des  Chrestiens  est  miserable,  chacun  voudroit  triompher,  chacun  voudroit  voir  un  regne  de  Iesus  Christ,  plein  de  delices,  et  de  voluptes:  au  contraire  quand  nous  voions  que  Dieu  assuiettist  les  siens  en  ce  monde,  a  beaucoup  de  miseres  et  de  pauvretes,  o!  il  n'y  ha  celuy  qui  appete  d'en  estre,  tant  y  ha  neantmoins  que  comme  dit  sainct  Paul,  il  faut  que  les  Chrestiens  soient  comme  moutons  qu'on  meine  a  la  boucherie,  qu'ils  aient  tousiours  le  couteau  sur  la  gorge,  et  si  Dieu  leur  donne  quelque  relasche,  si  est-ce  neantmoins  que  toute  leur  vie  (cependant  qu'ils  vivent  en  ce  monde)  n'est  sinon  comme  une  figure  de  mort.  D'autant  plus  devons  nous  bien  pratiquer  cette  doctrine,  et  la  mediter  mesmes  devant  le  coup  a  fin  que  nous  en  soions  armes,  et  que  le  diable  ne  nous  prenne  point  au  despourveu,  que  nous  ne  soions  point  desarmes  quand  il  nous  viendra  assaillir,  il  est  vray  que  si  nous  sommes  assaillis  que  nous  soions  affliges  en  beaucoup  de  sortes,  Dieu  nous  ha  desia  advertis  qu'il  veut  et  ordonne  qu'ainsi  soit,  mais  si  faut  il  que  nous  recevions  la  consolation  quant  et  quant,  comme  elle  est  ici  adioustee,  c'est  a  scavoir  quand  Dieu  expose  les  siens,  et  qu'il  les  assuiettist  a.  beaucoup  de  miseres  et  de  calamites,  qu'il  ne  laisse  pas  pourtant  de  les  attirer  a  soy,  et  cela  mesme  est  le  moien  par  lequel  il  les  fait  venir  a  cette  gloire  qu'il  leur  ha  promise,  et  qui  leur  est  apprestee  au  ciel.  Il  faut  donc  que  cette  consolation  ici  soit  bien  notee  de  nous,  quand  il  est  dit,  qu'apres  que  l'Eglise  aura  accompli  un  terme,  que  les  afflictions  auront  este  prolongees,  qu'en  la  fin  Dieu  y  prouvoira  en  telle  sorte  que  nous  viendrons  a  la  moitie  du  temps,  c'est  a  dire  que  nous  sentirons  que  les  afflictions  de  l'Eglise  seront  temporelles,  et  tellement  temporelles  que