29:155  155  SERMON  CXCV.  156  stance  des  Levites.  Et  pourquoy?  Oar  si  nous  desirons  que  Dieu  provoye  tousiours  a  son  Eglise,  il  faut  que  nous  ayons  le  soin  de  prier  pour  ceux  ausquels  il  en  a  commis  la  charge.  Et  si  par  nostre  ingratitude  nous  ne  faisons  tant  que  Dieu  nous  prive  d'un  tel  bien,  sachons  que  les  bons  pasteurs  ne  nous  defaudront  iamais.  Moyennant  donc  que  par  nostre  ingratitude  nous  ne  soyons  point  cause  de  cela,  cognoissons  que  nostre  Seigneur  tousiours  nous  provoyra  de  gens  qui  seront  idoines  et  suffisans,  et  qu'il  les  aura  sous  sa  garde,  et  les  maintiendra  en  despit  de  Satan  et  de  tous  les  efforts  de  ce  monde.  LE  CINQUIESME  SERMON  SUR  LE  CHAP.  XXXIII.  V.  12.17.  DU  IBUDI  2E  DE  IUILLET  1556.  Nous  vismes  hier  en  ia  benediction  de  Levi  ceste  promesse,  que  Dieu  maintiendra  ceux  qui  fidellement  annonceront  sa  parolle:  combien  qu'ils  ayent  beaucoup  d'ennemis  en  ce  monde,  qu'ils  soyent  assaillis  de  toutes  parts,  qu'ils  sont  asseurez  que  Dieu  se  declairera  la  pour  eux,  et  qu'il  les  fortifiera,  voyant  que  Satan  s'efforce  par  tous  moyens  de  les  abolir.  Et  en  cela  il  regarde  au  salut  de  tout  son  peuple:  car  l'Eglise  de  Dieu  periroit,  sinon  qu'elle  fust  conservee  par  bonne  doctrine  et  pure.  Il  faut  donc  que  Dieu  ait  sa  main  forte  estendue  sur  tous  ceux  qui  annoncent  sa  parolle,  afin  qu'ils  soyent  maintenus,  combien  que  tout  le  monde  tasche  de  les  ruiner.  Or  maintenant  il  est  parle  de  Beniamin.  Il  est  dit:  Qu'il  habitera  seurement  aupres  de  Dieu,  et  qu'il  sera  son  bien-aime,  et  que  Dieu  le  couvrira:  et  qu'il  habitera  entre  ses  espaules.  Or  nous  avons  desia  declaire  que  Moyse  ici  conferme  et  ratifie  les  promesses  que  Dieu  avoit  proferees  auparavant  par  la  bouche  de  Iacob,  ou  bien  s'il  y  avoit  la  quelque  chose  qui  fust  dure,  que  Moyse  Tadoucit:  afin  que  les  fidelles  ne  soyent  point  troublez  outre  mesure.  Quant  a  la  lignee  de  Ben-iamin,  Iacob  avoit  dit  qu'elle  seroit  semblable  a  un  loup  qui  ravit  la  proye  du  matin,  et  que  de  soir  ils  butinent  ensemble.  Car  voila  le  sens  naturel.  Beniamin  donc  sera  comme  un  loup  ravissant,  tousiours  adonne  a  la  proye:  et  quand  le  matin  il  aura  pille,  il  butinera  au  vespre.  Voila  une  condition  dure,  qu'un  peuple  vive  de  pillages  et  de  rapines:  et  semble  que  par  ce  moyen-la  il  soit  comme  degrade.  Car  nous  savons  que  tout  le  monde  hayra  ceux  qui  usent  ainsi  de  violence,  et  qui  vivent  aux  despens  d'autruy,  qui  font  quelque  dommage  ou  nui-