27:155  155  SERMON  LXXX.  156  coup  de  povres  ignorans  s'abusent  auiourd'huy.  Car  apres  qu'ils  ont  proteste  que  leur  intention  est  de  servir  a  un  seul  Dieu,  ils  meslent  beaucoup  de  pieces,  et  leur  semble  que  cela  n'est  point  mauvais.  Et  pourquoy?  Moyennant  que  ie  tasche  de  servir  a  Dieu,  et  si  ie  fay  ceci  ou  cela  a  bonne  intention,  et  pourquoy  sera-il  condamne?  Voire,  mais  nous  oyons  que  nostre  Dieu  ne  peut  souffrir  nul  compagnon:  comme  il  le  declaire  par  tout,  et  mesmes  en  ce  passage  nous  en  avons  une  doctrine  assez  expresse:  car  Dieu  veut  que  toute  memoire  des  idoles  soit  abolie  et  exterminee.  Et  pourquoy?  Cependant  que  les  idoles  ont  la  vogue,  et  sont  en  usage,  voila  Dieu  qui  est  obscurci,  on  ne  peut  rien  discerner:  comme  aussi  tout  est  confus  en  ce  monde  quand  cela  est.  C'est  donc  autant  comme  si  on  Falloit  despouiller  de  sa  maieste,  et  de  sa  gloire.  Et  les  Papistes  mesmes  confesseront  bien  cela  en  leur  proverbe  commun,  quand  ils  disent,  qu'on  n'y  cognoist  point  Dieu  pour  les  Apostres:  et  Dieu  a  voulu  que  ce  langage-la  fust  commun  entre  eux,  pour  monstrer  qu'ils  se  couppent  la  gorge  de  leur  propre  cousteau,  afin  qu'au  dernier  iour  ils  n'alleguent  point  d'excuse.  Car  s'ils  disoyent  qu'ils  n'ont  point  pense  a  cela:  voire,  et  leur  proverbe  ne  les  dementira-il  point?  Car  leur  langage  propre  sera  leur  iuge,  et  ne  leur  faudra  point  faire  de  proces  d'ailleurs.  Quoy  qu'il  en  soit  notons,  que  sinon  que  le  service  de  Dieu  soit  tenu  en  sa  purete,  tout  sera  perverti:  et  quand  on  ne  l'adore  plus,  qu'il  reiette,  et  qu'il  desadvoue  tout,  comme  nous  voyons  qu'il  en  parle  par  son  prophete  Ezechiel:  Allez  (dit-il)  servez  a  vos  dieux:  ie  vous  quitte.  Commme  s'il  disoit:  Soyez  du  tout  au  diable,  puis  que  vous  ne  vous  tenez  point  du  tout  a  moy,  qu'il  faut  que  i'ay  des  compagnons,  et  que  vous  me  veniez  mettre  la  en  une  trouppe,  en  sorte  que  ie  soye  comme  aneanti?  ie  vous  quitte,  et  vous  abandonne,  que  vous  soyez  au  diable:  car  ie  ne  vueil  plus  avoir  ne  part  ne  portion  en  vous.  Ainsi  notons  bien,  que  pour  servir  a  nostre  Dieu,  il  faut  qu'il  ait  une  telle  maieste  et  preeminence,  que  nous  dependions  pleinement  de  sa  doctrine,  et  de  sa  parolle,  sans  adiouster  rien  qui  soit  a  ce  qu'il  nous  commande:  comme  il  sera  expose  plus  au  long  en  la  lecture  prochaine.  Or  au  reste,  quand  il  est  dit,  qu'il  faut  que  la  memoire  des  idoles  soit  exterminee,  c'est  afin  que  le  peuple  soit  plus  advise.  Il  est  vray  que  d'un  coste  Dieu  nous  monstre  (comme  i'ay  desia  touche)  en  quelle  detestation  il  a  toute  idolatrie,  quand  il  veut  qu'on  brusle  le  bois,  et  tout  ce  qui  y  aura  servi,  qu'on  casse,  qu'on  brise  et  pierres,  et  or,  et  argent,  que  tout  cela  soit  aboli.  Quand  Dieu  condamne  ainsi  les  creatures  qui  sont  bonnes  ^n  leur  essence,  a  cause  qu'elles  ont  este  instrumens  de  superstition:  par