21:155  155  THEODORI  BEZAE  156  diu  et  quantum  voluit.  Tandem  veluti  victus  (nec  enim  aliud  habebat  quam  pertinaciam  quod  Calvino  regereret),  resipiscentiam  incredibilem  simulat,  cuius  etiam  exemplum  propria  ipsius  manu  scriptum  exstat.  Quid  plura?  abnegatione  per  compita  civitatis  facta,  dimittitur  praestito  iureiurando,  sese  portas  urbis  non  excessurum:  mox  tamen  violata  fide  ad  Matthaeum  Gribaldum  in  Sabaudiam  profugit.  Sequuti  sunt  aliquanto  post  Alciatus  et  Blandrata,  Transsylvaniae  et  vicinarum  regionum  vastatores  futuri.  Gentilis  autem  iam  tum  imminente  illi  Dei  iudicio  apud  Gribaldum  manens  (nam  uterque  illos  alios  et*)  imperitos  et  indoctos  homines  contemnebat)  ibique  libellum  adversus  Athanasium  et  Calvinum  cudens,  indeque  Lugdunum  transiens,  ubi  excudendum  illum  (inscripta  Gaiensi  praefecto2)  istorum  scelerum  prorsus  inscio,  praefatione)  curavit,  deinde  Lugduni  nescio  quo  modo  a  pontificiis  captus,  quum  sese  in  Calvinum  scribere  dixisset,  tanquam  bene  de  ecclesia  catholica  meritus  dimittitur.  Inde  in  Moraviam  ad  Blandratam  et  Alciatum  aliosque  nihilo  meliores  discedit:  ubi  quum  satis  inter  eos  convenire  non  posset,  quod  a  tritheismo  ad  Samosatenum  plerique  transivissent,  veluti  trahente  illum  ad  poenam  ipsius  Christi  manu  in  Sabaudiam  ad  suum  Gribaldum  redit.  At  illam  pestem  altera  iam  pestis  sustulerat.  Ereptus  etiam  nobis  iam  erat  Calvinus.  Tum  ille  sive  penitus  amens,  sive  quod  mortuo  Calvino  neminem  superesse  confideret,  a  quo  revinceretur,  recta  ad  Gaiensem  ipsum  praefectum  ipsi  merito  infestum  venit  :  a  quo  mox  agnitus  et  Bernam  iusto  Dei  iudicio  ex  superiori  illa  fluctuatione  ad  dicendum  causam  missus,  tum  periuriorum  tum  improbitatis  manifestae  convictus,  frustra  tentatis  omnibus  quibus  in  rectam  viam  revocaretur,  capite  multatus  dignas  tandem  tot  sceleribus  poenas  persolvit.  Hic  igitur  postea  fait  illius  causae  exitus.  Et  tamen  ne  nunc  quidem  desunt  egregii  scilicet  christianismi  assertores,  tum  ex  catholicis,  tum  ex  bonis  illis  ubiquitariis,  qui  Calvinum  audeant  tanquam  earum  blasphemiarum  autorem,  imo  etiam  ut  qui  atheismo  sive  Mahumetismo  aditum  aperuerit  calumniari  :  quibus  tamen  altum  stertentibus  eas  ipsas  blasphemias  primus  Calvinus,  ac  paene  unus  nostro  tempore  tanto  labore  coarguit.  Lutetiae  vero3)  Cardinalis4)  ex  cuius  nutu  Rex  cuncta  administrabat,  criminis  haereseos  cognitionem  a  iudicibus  ordinariis  et  laicis,  quos  vocant,  ad  triumviros  Cardinales  traducere  conatus,  repugnante  divinitus  potius  quam  humanitus  Parisiensi  parlamento,  utpote  quod  suam  1)  ut  rece.  2)  add.  Bernensi.  3)  add.  ut  ad  historiam  nostram  revertar.  4)  add.  ille  Lotharingus.