10.1:155  CONSILIA.  mediateur:  ou  nous  adressons  nostre  priere  a  luy  mesme:1)  Si  nous  n'exprimons  point  le  nom  de  Iesus  Christ  de  bouche:  si  est  ce  neanmoins  qu'il  le  nous  fault  supplier  en  nostre  esprit.2)  Non  pas  qu'il  soit  requis  d'avoir  tousiours  ceste  cogitation  presente,  de  nous  adresser  au  Pere  par  le  moien  de  cest  advocat,s)  mais  pource  que  devons  avoir  ce  fondement  et  principe  resolu  en  nous  en  tout  temps  que  nous  n'avons  aultre  acces  de  prier  Dieu  qu'en  estant  conduictz  a  sa  maieste,  par  celuy  qui  s'est  abaisse  a  nous  pour  s'accommoder  a  nostre  petitesse.  Si  nous  requerons  le  Pere  nommement  le  priant  qu'il  nous  exaulce  au  nom  de  son  filz,  en  ce  faisant  jl  nous  fault  penser  que  tout  ainsi  que  nostre  Seigneur  Iesus  par  le  sacrifice  de  sa  mort  nous  a  acquis  l'entree  pour  nous  presenter  hardiment  a  Dieu,  qu'aussi  maintenant  en  vertu  de  ce  sacrifice  il  intercede  pour  nous  faisant  que  noz  oraisons  luy  soient  agreables  et  que  nous  obtenions  nos  requestes.  Non  pas  qu'il  faille  jmaginer  qu'il  soit  prosterne  a  genouz  pour  supplier  a  la  facon  des  hommes  mais  contentons  nous  de  l'avoir  comme  advocat4)  comme  s'il  portoit  la  parolle  en  nostre  nom:  et  qu'il  recoit  noz  oraisons  pour  les  presenter  a  Dieu  et  nous  impetrer  tant  audience  comme  faveur.  Ie  diz  audience,  a  ce  que  Dieu  nous  permecte  et  donne  conge  de  l'invoquer  et  nous  escoute:  Ie  diz  faveur,  a  ce  qu'il  nous  octroie  par  sa  grace  ce  que  nous  luy  demandons.  Et  pourtant  voicy  quelle  doit  estre  l'affection  du  Chrestien  quant  jl  prie  Dieu  au  nom  de  son  filz:  Sil  me  falloit  aller  a  Dieu  sans  aultre  conduicte  ne  moien  je  ne  pourrois  jamais  parvenir  a  sa  maieste:  tant  est  haulte.5)  Mais  puis  que  j'ay  la  promesse  de  mon  saulveur  qui  me  tend  la  main,  l'acces  m'y  sera  bien  facile.  Si  ceste  pensee  vient  audevant:  comment  estre  que  nostre  Seigneur  Iesus  qui  est  Dieu,  peult  interceder  envers  Dieu?  (car  jl  semble  quil  se  prie  soy  mesme,  quiest  contre  toute  raison).  Jl  convient  avoir  ces  deux  considerations  pour  y  resister.  La  premiere  est  :  que  combien  qu'il  n'y  ayt  qu'ung  seul  Dieu  toutefois  qu'en  ceste  seule  Divinite  il  y  a  la  distinction  du  Pere  et  du  Filz6)  dont  nous  avons  parle.  Ainsy  jl  n'y  a  nul  jnconvenient7)  que  nous  aions  esgard  specialement  au  Pere  en  priant,  nous  adressans  notamment  a  sa  personne.  La  seconde,  que  nostre  Seigneur  Iesus  entant  qu'il  a  prins  chair  humaine  pour  faire  nostre  redemption  a  cest  office  1)  ce  dernier  cas  est  omis  dans  le  texte  latin.  2)  animo  et  intelligentia  supplendum  est.  3)  intercessor.  4)  patronus.  5)  ad  praecelsam  illam  maiestatem  pro  mea  humilitate  pervenirem.  6)  Add.  et  spiritus  sancti.  7)  nihil  absurdi.