8:154  dict  chose  qui  ne  soit  dict  selon  verite  et  toutesfois  il  a  dict  en  la  fin  de  son  parler  que  sil  avoit  dict  chose  contre  la  verite  que  il  desiroit  estre  enseigne  par  la  parolle  de  Dieu.  Interrogue  si  en  propousant  les  erreurs  predictes  et  comme  il  les  appelle  erreurs  sil  entend  pas  quelles  soient  faictes  et  dictes  par  les  ministres  de  ceste  cite  tant  par  leurs  parolles  que  escriptz:  Respond  que  non  seullement  des  ministres  de  ceste  cite  mais  daultres  ont  escript  de  ceste  matiere  contre  la  verite:  quant  au  sermon  et  congregation  touchant  ceste  ny  a  ouy  que  ce  que  dessus  quil  entend  laulx.  Interrogue  sil  entend  que  la  parolle  de  Dieu  administree  en  ceste  cite  tant  es  predications  que  congregation  soit  pas  la  vraye  parolle:  Respond  quil  tient  tout  de  Dieu  excepte  ceste  doctrine.  Interrogue  sil  estime  pas  les  livres  escriptz  par  les  ministres  de  ceste  cite  estre  escriptz  selon  la  parolle  de  Dieu:  Respond  quil  y  a  des  choses  en  aulcuns  diceulx  selon  la  parole  de  Dieu  et  aultres  non.  Interrogue  quelles  escriptures  ne  sont  selon  la  parolle  de  Dieu:  Respond  que  ce  sont  celles  de  la  sus  narree  matiere  escriptes  par  Me.  Jehan  Calvin  en  son  Institution.  Interrogue  quelz  sont  les  aultres:  Respond  que  cest  Zevinglius  au  livre  de  la  predestination  qui  en  a  escript  comme  Calvin  qui  a  mal  escript.  Interrogue  si  aux  escriptz  tant  dudict  Calvin  que  daultres  il  a  point  daultres  erreurs:  Respond  que  non  sinon  en  ceste  matiere  la  reste  tient  tout  sainct.  Interrogue  sil  a  pas  par  plusieurs  foys  ouy  prescher  monsieur  Calvin:  Respond  quouy.  Interrogue  sil  a  ouy  prescher  audiet  monsieur  Calvin  choses  qui  ne  soient  semblables  a  ces  escriptz:  Respond  que  non:  pour  ce  quil  ne  dict  pas  ce  quil  trouve  en  ces  escriptz  et  congregations  et  que  de  la  presente  matiere  il  ne  luy  a  pas  ouy  prescher  contraire  directement  mais  que  en  ses  escriptz  il  passe  plus  oultre  et  il  y  est  plus  dur  quil  nest  en  ses  predications.  Interrogue  si  aultres  foys  il  ne  luy  est  pas  advenu  le  semblable  des  parolles  sus  proferees  scandaleuses  contrevenantes  a  la  doctrine  qui  est  preschee  en  l'eglise  de  ceste  cite  et  si  de  ce  nen  a  este  admoneste  par  les  ministres  et  convaincu  de  ses  propositions  ladmonestant  de  non  proposer  choses  scandaleuses  ains  sil  avoit  quelque  doubte  sur  quelque  papsaige  de  lescripture  ou  de  la  doctrine  tant  es  presches  que  en  escript  quil  en  vint  communiquer  avec  eulx  pour  en  estre  satisfaict  avant  que  mectre  scandalle  a  leglise:  Respond  que  deux  foys  il  a  parle  en  la  congregation  en  ceste  cite  et  ne  pensse  a  ces  deux  foys  avoir  dict  chose  scandaleuse  contre  la  verite:  et  quant  a  la  seconde  foys  que  parla  ce