7:154  forgez  en  sa  boutique.  Ainsi  ce  n'est  pas  de  merveilles,  s'il  a  reveille  encor  maintenant  ceste  malheureuse  secte,  et  s'il  a  suscite  gens  ignorans  pour  la  remettre  au  dessus.  Car  il  n'est  ia  mestier  qu'un  homme  soit  instruict  en  autre  eschole,  qu'en  la  sienne  pour  savoir  blasphemer  contre  Dieu,  en  destruisant  sa  verite  par  cauteles  [page  l  l  ]  malitieuses.  D'autant  que  toutes  inventions  pour  batailler  contre  la  verite,  sont  comprises  soubz  le  mot  de  mensonge,  duquel  luy  seul  est  le  principal  docteur.  Mais  pource  que  ce  n'est  rien  de  dire,  qui  ne  monstre  dequoy:  1)  il  sera  expedient  de  voir  par  bonnes  preuves  et  evidentes,  si  ce  que2)  i'ay  dict  est  vray:  a  savoir  que  les  Libertins  ne  mettent  rien  de  nouveau  en  avant,  quant  aux  principaux  articles,  de  toute  leur  doctrine,  mais  que  desia  du  temps  des  Apostres  il  y  ait  eu  semblables  heretiques,  et  bientost  apres  soyent  survenus  des  autres,  qui  ont  tenu  les  resveries  diaboliques,  3)  dont  ceux  cy  taschent  d'infecter  auiourdhuy  le  monde.  Et  aussi  par  ce  moyen  on  verra,  quelle  est  leur  secte,  pour  en  pouvoir  iuger.  CHAPITRE  II.  De  la  similitude  des  Libertins  avec  la  secte  dont  parlent  sainct  Pierre  et  sainct  Iude.  On  voit  par  la  seconde  epistre  de  sainct  Pierre  (Chap.  2),  et  par  celle  de  sainct  Iude,  que  de  ce  temps  la4)  il  y  avoit  [page  12]  une  secte  de  meschans,  qui  soubz  le  nom  de  Chrestiente  induisoyent  les  simples  a  vie  dissolue,  ostans  la  discretion  du  1)  Sed  quoniam  leve  esset  id  dicere,  nisi  re  ipsa  ita  esse  ostendam.  2)  que  ce  que  1611.  3)  eadem  deliria  sequebantur.  4)  des  ce  temps  la  1547  suiv.  (eo  tempore).